سعودي عرب د تېل پېدا کونکونو ملکونو تنظیم اوپېک نور غړي ملکونه مجبور کړي چې د تېلو پېداوار کم کړي روېټرز خبري اداره وايي دغه خبره وایټ هاوس په داسې حال کې کړه ده اوپېک تېره هفته د تېلو پېداوار د کمولو اعلان کړی او د دې وروسته د امریکې او سعودي عرب تاوتریخوالی زیات شوی دی.
د امریکې نېشنل سېکیورټي کاونسل یا د قامي سلامتیا شورا ترجمان جان کربي خبریالانو ته وویل د اوپېک د یو نه زیات غړي د سعودي عرب سره متفق نه وو چې د تېلو پېداوار کم کړي خو د ځانونه یې مجبور محسوسول چې د پېداوار د کمولو په حق کې ووټ ورکړي. کربي د دغو ملکونو نومونه وا نه خیسل او ويې وېل پکار ده چې دغه ملکونه په خپله خبره وکړي.
خبریالانو سره د خبرو نه وړاندې جان کربي د زیارت، پنجشنبې، په ورځ په یو بیان کې وویل چې سعودي عرب ته یې د تېلو د بازار تجزیه وړاندې کړې وه چې پکې ښودل شوي وو چې اوپېک پلس ملکونه هېڅ جواز نه لري چې د تېلو پېداوار کم کړي.
د جان کربي نه وړاندې د امریکې صدر جوبایډن ویلي د تېلو پېدوار د کمولو فېصله به د سعودي عرب دپاره نتایج ولري.
د کربي بیان د سعودي عرب د دې دریځ په جواب کې جاري کړی شوی و چې اوپېک "خالصتاً" په اقتصادي بنیاد تېلو پېداوار د کمولو فېصله کړې ده.
روېټرز وايي د 13 ملکونو تنظیم اوپېک د روس په حمایت تېره هفته وویل د نومبر د میاشت نه به د ورځ په حساب د ددو مېلین بېرلو تېلو پېداوار کم کړي.د کمولو فېصله کړې.
د سعودي عرب خارجه وزارت د زیارت، پنجشنبې، په ورځ وویل اوپېک د رای په اتفاق فېصله کړې ده او د طلب او د رسد جاج يې اخیستلی و او چې په بازار کې ثبات راوستل شي.
جان کربي په خپل بیان کې وویل سعودي خارجه وزارت خو تنقید په شا تمبولی شي خو حقایق ساده دي. هغه د تېلو په پېداوار کې کمی به د روس د تېلو امدن زیات کړي او په ماسکو د لګول شوو بندیزونو اثر به کم کړي. په روس دغه بندیزونه په اوکراین د روس د یرغل په سر لګول شوي دي.
یادونه: د دې خبر معلومات د روېټرز خبري ادارې نه اخیستل شوي دي
