لاس رسیدونکی لینک

Breaking News

ګڼو نړیوالو مشرانو جوباېډن او کامله هېرېس ته مبارکۍ ویلي


د څو ورځو پورې د امریکايي انتخاباتو په اړه د څه ویلو نه لرې پاتې کیدو وروسته د برتانیې وزیراعظم بورس جانسن او د جرمني چانسلرې اېنګلا مېرکېل په ګډو نورو په انتخاباتو کې په غیر رسمي ګټه جوباېډن ته مبارکۍ ویلي.

د خالي/ شنبې په ورځ په پینسلوینیا کې د انتخاباتو ګټلو وروسته د ډیموکرېټ ګوند صدارتي کاندید جوباېډن د صدراتي ټاکنو د ګټې اټکل کیږي.

د بورس جانسن لخوا خپور شوي یو بیان کې ویل شوي ٫٫ امریکا زمونږ تر ټولو مهم ایتلافي ملګری دی او ځه د ماحولیاتي بدلون نه د تجارت او امنیت پورې په ګڼو شریکو احدافو کار کولو ته لیواله یمه.٬٬ د برتانیې مشر د جو باېډن ناېب صدره کامله هرېس هم په ٫٫ تاریخي بریا٬٬ ستاېلې.

د روانې اونې په منځ کې بورس جانسن په امریکايي انتخاباتو د څه ویلو نه ډډه کړې وه او زیاته کړې یې وه ٫٫ د برتانې حکومت د خپلو ملګرو او ایتلافي هیوادونو په جمهوري پروسو څه نه وایو.٬٬

د صدر ټرمپ ځینو پلویانو بیا د نړیوالو مشرانو په څرګندونو خفګان هم ښودلی. په واشنګټن کې د څیړنیز مرکز سنټر فار سیکورټي پالیسي څیړنکار کېل شېډلر په یو ټوېټ کې لیکلي ٫٫ د خارجي مشرانو باېډن ته د مبارکۍ بیانونه د امریکا په انتخاباتو کې لاس وهنه ده.٬٬ یاد مرکز د ټرمپ د پالیسیانو پلوي ګڼل کیږي. دغه څیړنکار وړاندې لیکلي ٫٫ د دې مشرانو لپاره په دې وخت دا مناسبه نه ده چې ځان ښکاره/ درون کړي.٬٬

جو باېډن ته په غیرحتمي نتېجو کې د ګټې وروسته په مبارکۍ ورکونکو نړیوالو مشرانو کې د کینېډا وزیراعظم جسټن ټروډو هم شامل وو. نوموړي ویلي، ٫٫ کېنېډا او امریکا د غیرمعمولي اړیکو تاریخ لري – داسې تعلق چې په نړۍ کې ډیر کم لیدل کیږي. زمونږ شریکه جفرافیه، شریک احدف، ژور تعلق او مظبوطې اقتصادي اړیکې مونږ نژدې ملګري، همکاران او ایتلافیان جوړوي.٬٬

د جرمنی چانسلرې اېنګلا مېرکېل ویلي د دواړه هیوادونو تر منځه ٫٫ راتلونکې همکارۍ٬٬ ته په تمه ده او زیاته کړې یې ده ٫٫ که د خپل وخت چېلنجونه قابو کړو نو زمونږ د براعظمو لرې دغه ملګرتیا نه بدلیدونکې ده.٬٬

د سپېن وزیراعظم پېډرو سانچېز او د فرانس صدر اېمانیول مېکرون هم باېډن ته مبارکي ویلې او مېکرون ویلي: ٫٫ د نني وخت چېلنجونو مخه نیولو لپاره ډیر څه کول پاتې دي. راځۍ چې په ګډه کار وکړو.٬٬

خو د نړۍ ځیني مشرانو بیا خپلې مبارکۍ لا ودرولي دي

د مېکسیکو صدر مېنول لوپیز د خالي په ورځ ویلي، تر څو چې قانوني لانجه ختمه شوي نه وي، هغه غواړي صبر وکړي. یو خبري کانفرس ته د خبرو په وخت نوموړي‌ ویلي ٫٫ د امریکايي‌ انتخاباتو په اړه، مونږ به د قانوني شخړو تر حل کیدو انتظار کوو.٬٬

سعودي عربستان هم تر اوسه جو باېډن ته مبارکي نه ده ورکړې. د اسراېیل وزیراعظم بنجمن نېتن یاهو هم دغه شان په امریکايي‌ انتخاباتو غلی پاتې شوی.

د نړۍ ګڼو مشرانو بیا د په انتخاباتو کې د ګټونکي په اړه د څه ویلو ډډه کړې او ځیني قامي مشرانو چې د صدر ټرمپ ډیر نژدې وو لکه نېتن یاهو او هندي وزیراعظم نریندرا مودي هم په دغې اړه غلي پاتې شوي.

یواځې د هنګري وزیراعظم په شمار هغه مشرانو کې وو چې په ښکاره په انتخاباتو کې د صدر ټرمپ په حمایت کې وو، لکه څنګه چې په کال ۲۰۱۶م کې هم کړې وه.

XS
SM
MD
LG