لاس رسیدونکی لینک

Breaking News

د کرونا مشکوک مريض په ژوب کې له ايمبولينس تښتېدلی، پولیس وايي


په کوټه کې د قرنطینه مرکز

د بلوچستان صوبې په ژوب ښار کې يو ځوان چې د کرونا مشکوک مريض و هغه مهال له ايمبولينس موټره په تيښته کاميابه شو چې د ښار ډاکټرانو کوټې ته د معاينې يا ټيسټونو په موخه لېږ‎لی و.

د ژوب د پوليسو د تهاڼي مشر حاجي محمد زمري وي او ای ډيوه ته وويل د کرونا مشکوک مريض هغه وخت له ايمبولينس موټره په تيښته بريالی شوی کله چې موټروان د تېلو اچولو په غرض ښار ته نيږدې پټرول پمپ ته موټر درولی و." ډرائيور تېل اچول ، ځوان د تيښتېدلو موقع مونده کړه او تيښتېدلی. "

د حاجي محمد په خبره پوليس د تښتيدلي ځوان په لټه کې دی. هغه وویل پوليس د تيښتېدلي ځوان پر کور ولاړ دي خو هغه ورک دی، د کور خلګو يې پوليسو ته ويلي چې د دوی هم له تيښتېدلي ځوان سره رابطه نشته.

د پوليسو په خبره تيښتېدلي ځوان خپل موبايل بند کړی دی.

د ژوب ښارد سول روغتون د کرونا وايرس د قرنطينه مرکز مشر ډاکټرعبدالستار شيراني وايي يو ځوان مريض د تشخيص لپاره روغتون ته ورغلی و، مريض ټوخه ، تبه او سر درد درلود، دا د کرونا وايرس د مرض نښې نښاني دي. د ډاکټر په خبره دا لا معلومه نده چې دا ځوان د کرونا په مرض اخته دی که نه؟

ډاکټر شيراني زياته کړه چې مريض يې د نورو تفصيلي ټيسټونو لپاره د کوټې د کرونا مريضانو د ټيسټونو لپاره ځانګړي شوي روغتون ته ليږلی و.

دژوب ځايي خبريال علي خان مندوخيل وي او ای ډيوه ته وويل د تښتيدلي ځوان ورور ورته ویلي د کرونا مشکوک مريض په اسلام آباد کې د يو نړيوال پوهنتون زدکونکی دی، د اسلام اباد په پمز نومې هسپتال ته د سر درد ، تبه ، ټوخې دپاره علاج په غرض ورغلی و هلته هم ورته د کرونا ټېسټ وویل شو خو هغه ونکړو او له اسلام آباد څخه د دې مياشتې پراولسم تاريخ خپل کور ژوب ته ورغلو، به کور یې درملنه روانه وه خو هغه ښه نشو او بیا د ژوب روغتون ته بوتلل شو او د هلته څخه ډاکټرانو کوټې ته ولیږلو.

د خبریال علي خان مندوخيل په خبره د مريض له ورور سره يې هغه مهال په سول روغتون ژوب کې خبرې کړې وې کله چې مريض ايمبولينس موټر کې کوټې ته د وړلو لپاره د دوو کسانو په مرسته وخېژاوه.

د بلوچستان د حکومت ايالتي وياند لياقت شاهواني په خبره په بلوچستان کې د کرونا وايرس د مريضانو شمېر يو سل لس دی، او له دې مرضه د کوټې اوسيدونکی اويا کلن يو تن تيره ورځ مړشوی.

د بلوچستان ايالتي حکومت د کرونا وايرس د مخنوي په موخه په ټول ايالت کې ماده يو سل څلور څلويښت عملي کړې او د څورلسو ورځو لپاره يې ټول بنديز يا لاک ډاون کړی، چې د ټولو ضلعو لوی او واړه بازارونه ، تجارتي مرکزونه به بند وي ، مسافر وړکونکي لوی او واړه موټران به ولاړي وي، په ښارونو او کلو کې به يوازي د ضروري خوارکي توکو پلورنځي ، روغتون ، درملتون خلاص وي.

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG