امنيتي سرچينې وائي دافغانستان پولې ته نزدې دپاکستان دقبائيلي سيمې شمالي زيرستان په دته خيل تحصيل کې فوځي فضائي حملو کې د ٣٠ ؤ څخه زيات جنگيالي وژل شوي دي. دپاکستان حکومتي ریډیو د وژل شوو شمیر ٢٥ پورې ښاېي
دسرچينو وينا ده چې دته خيل کې دجنگي الوتکو څخه دترهه گرو ځالې په نخښه کړل شوي چې پکې دهغوي گڼې ځالې هم تباه کړل شوي دي.
دميډيا راپورونو کې دپوليټيکل انتظاميې په اړه د٣٨ؤ جنگيالو دوژل کيدو پخلى شوى اؤ زياته کړل شوې ده چې دغه حملې دافغانستان دپولې سره نزدې په ميزار اؤ شيراني سيمو کې دترهه گرو په ځالو شوي دي.
چارواکي وائي چې وژل شوؤ کې ١٥ ازبک جنگيالي هم شامل دي څوک چې داسلامک موومنټ اؤ ازبکستان سره تړلي دي
دچارواکو وينا ده چې په دغو فضائي حملو کې دبارودو څخه ډک درې گاډي هم تباه شوي دي.
دپاکستان پوځ تيرکال دجون په مياشت کې شمالي وزيرستان کې عمليات پيل کړي چې پکې يې تر دې مهاله د٣٤٠٠ؤ څخه دزياتو جنگيالو دوژلو دعوه کړې ده.
سيمې پورې ميډيا رسد نۀ لري اؤ له دې امله دغلته روانو عملياتو اؤ پکې دواړو اړخو ته داوښتونکې مرگ ژوبلې په ازادانه توگه پخلى نۀ شي کيدى.