پېښور —
دافغانستان دپولې ترڅنګ دپاکستان دقبايلي سيمه باجوړ کې دنهې په ورځ ترسره شوې يوه بمي چاودنه کې لږ ترلږه دوه عسکر وژل شوي دي.
دپوليټيکل انتظاميې دسرچينو ترمخه دناواګۍ تحصيل په چارمنګ سيمه کې دبارودي سرنګ دغه چاودنه دايف سي په اوبو راوړونکو عسکرو شوې ده،چاودنه کې دوه عسکر وژل شويدي
له دې وړاندې هم باجوړ ايجنسۍ کې په امنيتي ځواکونو او قبايلي مشرانو دغه رقم بمي چاودنې ترسره شوي چې پکې په لسګونو عسکر او قبايلي مشران وژل شوي دي.
دجولايي مياشت کې په ډهيراکۍ، سلارزۍ سيمه کې دسړک په غاړه په بم ښخونکو جنګيالو خپل بم چاوديدلى و چې پکې دوه عسکر وژل شوي وو.