بنګله دېش کې په دوه بمي چاؤدنو کې د دوه پوليسو په ګډون لږترلږه شپږکسان وژل شوي او څور نورژوبل شوي دي، دا چاؤدنې د وسله والو د پټنځای چې کمانډوزو پرې چهاپه وهلې، سره نزدې شوي دي.
چاودنې د هېواد په جنوب ختيځه سلهټ ضلع کې يوه ورځ وروستو له هغې رامنځته شوي چې يو ځانمرګي د ملک د مرکزي هوايي ډګر سره نزدې په چيک پوسټ باندې ځانته چاؤدنه ورکړې وه، د دغه بريد زمه واري داعش قبوله کړې وه.
د سلهټ پوليس وياند زېدان الموسی ویلي "چاؤدنو کې د دوه پوليسو په ګډون لږترلږه شپږ کسان وژل شوي دي".
هغه ويلي چاؤدنو کې د ۴۰ نه زيات کسان وژل شوي چې پکې د يو درځن نه زيات د پوليس او پوځ سرتيري هم شامل دي.
په سلهټ کې په ځواکونو باندې د بمي چاؤدنو زمه واري داعش قبوله کړې ده.
پوځ د داعش اتحادي وسله والې ډلې په پټنځاې باندې بريد کړی ؤ، چا چې د تېرې جولائۍ په مياشت کې يوه کېفۍ باندې د بريد زمه واري قبوله کړې وه، په دغه بريد کې د بهرنيانو په ګډون ۲۲ کسان وژل شوي وو.
د خالي په ورځ کمانډوزو د پينځه منزله ودانۍ نه ۷۸ کسان بهر راویستي او هلته لا عمليات دوام لري. دغه عمليات روانه مياشت د ځانمرګو بريدونو وروستو پېل کړی شوي دي.
فارنسک راپور کې پخلی شوی چې د جمعې په ورځ ځانمرګی برید شوی، او دا په يوه اوونۍ کې ډهاکه کې درېمه چاؤدنه وه.
داعش د ۱۶۰ملينه ابادۍ په اسلامي ملک بنګله دېش کې د بهرنيانو، روښان فکرو او لږکيو د غړو د وژنو زمه وارۍ منلي دي.
حکومت پرله پسې د دغه ډلې د شتون نه انکار کوي او وايي چې دا ځايي وسله وال دي.