د لندن د پوليسو په وېنا د اتوار په شپه ناوخته د جومات نه بهر په پېدل خلکو د ګاډي خېژولو پېښه کې يو تن مړ او ۱۰ نور ژوبل شوي دي.
د لندن د ترهګرۍ په ضد عمليات کوونکي ځواکونه د بريد پلټنې کوي. د برتانيې وزيراعظمې تهريسامی ويلي چارواکو يې دا ترهګري بلي او هغې دې ته دردؤنکې پېښه ويلي دي.
چارواکو ويلي د ګاډي ۴۸ کلن ډرائيور يې نيولی ، او هغه خلکو په خپله په موقع رانيولی ؤ، او د ګل د سهاره پورې د بل کوم مشکوک پېژندګلو نه ده شوې.
شمالي لندن کې شوي دې بريد کې يو تن ځای په ځای مړ او اته ژوبل روغتون ته منتقل کړی شوي دي.
د برتانيه د اسلامي شورا عمومي سېکتر هارون خان ويلي د عېني شاهدانو ترمخه ګاډی چلونکی تن "اسلامي فوبيا هڅولی ؤ".
خان ویلي "چې د روژې د مياشت په ختمېدو به مسلمانان اختر نمانځي جوماتونو ته به ځي، دويې د چارواکو هيله لري د جوماتونو نه بهر امنيتي ګامونه پورته کړي".
د مېټروپولېټن پوليس ويلي د برید نوعيت ته په کتو يې د خلکو په عامو ځايونو کې نور پوليس په ځای کړي په خصوصي توګه د روژې نيوونکو دپاره.
لندن کې په وروستيو کې دغه ډول پېښې رامنځته شوي دي، تېره میاشت په مانچسټر کې د ترهګرۍ بمي چاؤدنه او تازه د موټر برید او د لندن برج سره د چاکو د ګوزارونو پېښه رامنځته شوې وه.