سعودي عرب دخپل هیواد دننه خلکو ته بیلابیلو جرمونو کې د کوړو سزا ورکول ختم کړي اؤ د انصاف وزارت محکمو ته امر کړی چې د کوړو پځائ باید مجرمانو ته دبند یا جریمې اؤ یا هم دواړه سزاګانې اوروي.
تر دې له مخه سعودي عرب کې په بیلابیلو جرمونو د محکمو لخوا مجرمانو ته د کوړو یا دورو سزا ورکول کیده چې په هغې ټوله نړۍ کې دبشري حقونو سازمانونو سختې نیوکې کولې اؤ دا یې داساسي بشري حقونو په ضد عمل بللو.
دسعودي عرب د انصاف د وزارت لخوا په ټولنیزه رسنۍ ټوئټر خپور کړل شوي یو ټوئټ کې ویل شوي چې اوس به د کوړو دسزا پرځائ مجرمانو ته د بند یا جریمې سزا ورکول کیږي.
Prison or fines or both will be some of the alternative sentences to replace flogging. Courts will hear and evaluate cases and make most sound decisions regarding each case. https://t.co/2yvqKGfUZ9
— Saudi Ministry of Justice (@MojKsa_EN) May 19, 2020
د انصاف وزارت وایي محکمې به قضیې اوري ،دهغې ارزؤنه به کوي اؤ هره مقدمه کې به د هغې د نوعیت په اساس په انصاف اډاڼه پرېکړه کوي.
دسعودي عرب سترې محکمې تیره میاشت لاندې محکمو ته دیو شاهي فرمان دلارې د کوړو د سزا ختمولو امر کړی ؤ .
سترې محکمې هم پخپلو لارښوونو کې ښکتنیو محکمو ته ویلي وؤ چې نور باید بیلابیلو جرمونو کې ککړ مجرمان په کوړو یا دورو د وهلو پځائ پر هغوئ جرمانې ولګوي ،دمشقت نه د ډک بند سزاګانې ورته واوروئ اؤ یا یې باید په یو ځائ بندي اؤ جریمه کړي.
سعودي عرب په تیرو پینځوؤ کالو کې د بشري حقونو په اساس خپلو قوانینو کې ۷۰ اصلاحات کړي چې دې اصلاحاتو ته نړۍ کې دبشري حقونو بیلابیلو سازمانونو هرکلی ویلی دی