دپاکستان دهوابازۍ څانګه وایي ددغه هیواد د هوایي شرکت پي ايي ای دمسافرو یوه الوتکه چې دلاهور نه کراچۍ ته روانه وه دکراچۍ دهوایي اډې ترڅنګ غورځېدلې اؤ تباه شوې ده.
پاکستاني مطبوعاتو دجمعې په ورځ دهوا بازۍ دڅانګې په حواله خبر ورکړی چې په دې الوتکه کې ۹۱مسافر اؤ دالوتکې اووه مامورین سواره وؤ اؤ امکان ښودل کیږي چې دغه ټول په پېښه کې مړه شوي دي.
دپی ایي ای دا الوتکه دکراچۍ دهوایي اډې سره پیوست دماډل ټاؤن په نوم د استوګنې یوه سیمه کې غورځېدلې اؤ ګڼ شمیر کورونه یې تباه کړي دي.
#pia plane crashed pic.twitter.com/cEq01CRDow
— Different Angle (@AchayDinAaingay) May 22, 2020
په ټولنیزو رسنیو د الوتکې د غورځېدو بیلابیلې ویډیو ګانې خلکو خپرې کړي چې پکې لیدل کیږي د الوتکې غورځېدو نه وروسته د استوګنې په سیمه کې اور لګیدلی اؤ لوګي خیژي.
ددې ترڅنګ په دغه سیمه کې د الوتکې غورځېدو سره سم دخلکو الغاؤ تلغاؤ جوړ شوی.
Heartfelt condolences to the families of those who lost their near and dear ones in today’s plane crash. PIA’s Lahore-Karachi flight PK-8303 was carrying around 100 passengers. ✈️ 😩🚨 #BreakingNews #planecrash pic.twitter.com/yWEanG3ezZ pic.twitter.com/4KSTtshQMZ
— Moaz (@moaz_moaz85) May 22, 2020
دالوتکې غورځېدو سره سم مرستندویه فعالین اؤ امنیتي ځواکونه دپېښې ځائ ته رسېدلي اؤ دمرستې فعالیتونه یې پیل کړي دي.
په سمدستي توګه دالوتکې د راغورځېدو علت لا نه دی روښانه شوی اؤ نه سول ایوي ایشن اتهارټي په دې هکله کوم رسمي غبرګون ښکاره کړی دی.
دپي ایي ای ویاند عبدالستار رسنیو ته ددې پېښې پخلی کړی اؤ ویلي یې دي دپي ایي ای الوتکې ای ۳۲۰دلاهور نه مسافر کراچۍ ته راوړل.
Update #PIA Incident:Pak Army Aviation helicopters flown for damage assessment and rescue efforts. Urban Search & Rescue Teams are being sent on site for rescue efforts.
— DG ISPR (@OfficialDGISPR) May 22, 2020
دپاکستان پوځ پخپل یو بیان کې ویلي چې دپېښې سره سم یې دبېړني غبرګون اؤ رینجرز ځواکونه سیمې ته لیږلي اؤ مرستندویه فعالیتونه یې پیل کړي دي.
دسندهـ صوبې د روغتیا دمحکمې دتماسونو مشر میران یوسف رسنیو ته ویلي چې د پېښې له امله د کراچۍ ټولو سترو روغتونونو کې بیړنی وضعیت پرځائ کړل شوی دی.
تیرکال هم دګلګت په هوایي اډه دپي ایي ای یوه الوتکه د رن وی یا د سړک نه خوئېدلې وه خو په ده پېښه کې څه نقصان نه ؤ شوی ولې له دې وړاندې په کال ۲۰۱۶م کې دچترال نه اسلام اباد ته روانه دپي ايي ای یوه الوتکه دحویلیا سیمې سره غورځېدلې وه چې پکې دمهمو شخصیاتو په ګډون ۴۸کسان مړه شوي وؤ