پاکستان کې حکومت مخالفو ګوندونو دجاني خیلو په احتجاج کوونکو دپولیسو په ډزو کې د اوښتې مرګ ژوبلې سخته غندنه کړې اؤ وایي حکومت دخپل ولس دامن غوښتنې ته په غوږ نه نیولو پخپله حالات خرابول غواړي.
دچهارشنبې په ورځ دجاني خیلو دقبیلې یو مهم مشر ملک مویز خان وي او ای ډیوه ته ویلي چې دټوچي پل سره نزدې پولیسو اسلام اباد ته په لاریون کوونکو مظاهره چیانو ډزې کړي چې یو تن پکې مړ شوی اؤ درې نور ژوبل شوي دي.
په ټولنیزو رسنیو دامنیتي ځواکونو دې عمل ته سخت غبرګون ښودل شوی اؤ عوامي نیشنل ګوند دخیبر پښتونخوا اسمبلۍ دننه هم دا ستونزه راپورته کړې ده.
دخیبر پښتونخوا اسمبلۍ غونډې ته پخپله وینا کې دعوامي نیشنل ګوند پارلیماني مشر سردار حسین بابک ویلي جاني خیلو تر ۲۴ؤ ورځو پخپله سیمه کې پرامن پرلت وغځولو اؤ حکومت اؤ انتظامیې ته پکار وؤ چې د هغوئ سره یې دلته خبرې کړې وې.
ښاغلي بابک ویلي اوس چې جاني خیل اسلام اباد ته احتجاجي لاریون کوي نو پولیسو په هغوئ ډزې اؤ تشدد کړی اؤ پکې دیو تن دمړینې اؤ دګڼو د ژوبل کیدو اطلاعات مخې ته راغلي دي .
جانی خیل میں 24دن تک دھرنا دیا گیا۔ حکومت اور انتظامیہ کو جانا چاہئیے تھا۔ اب وہ اسلام آباد کی طرف لانگ مارچ کررہے ہیں تو ان پر تشدد کیا گیا بلکہ یہ خبر بھی آرہی ہیں کہ ایک جوان شہید ہوگیا ہے۔صوبائی جنرل سیکرٹری سردارحسین بابک کا احتجاجاً اجلاس سے واک آوٹ کا اعلان pic.twitter.com/61Myq9xDql
— Awami National Party (@ANPMarkaz) June 23, 2021
سردار حسین بابک ویلي دا دحکومت اؤ ریاست ذمه واري ده چې دخپلو خلکو خبرې ته غوږ ونیسي خو له بده مرغه اسلام اباد ته په روانو مظاهرینو ډزې اؤ تشدد وشو.
هغه وویل پرون دلته په پارلیمان کې یو وزیر طالبانو ته دعاګانې کولې ، زه دا نه ویم چې دعاګانې دې ورته نه کوي خو خپل ولس ته تحفظورکول هم د حکومت اؤ ریاست ذمه واري وي.
دخیبر پښتونخوا یو وزیر هشام انعام الله تیره ورځ داسمبلۍ غونډې ته خپله وینا کې ویلي وؤ "دښو طالبانو په مټ افغانستان کې روس اؤ امریکې ماتې وخوړه اؤ دا ښه طالبان زمونږ جګړه په مخکې بوځي"
جانی خیل کے پرامن مظاہرین پر پولیس کی طرف سےفائرنگ اورمتعد ہلاکتوں کی پرزور مذمت کرتا ہوں۔ یہ علاقہ جو پہلے ہی دہشتگری کی کاروائیوں اور ٹارگٹ کلنگ سے شدید متاثر ہے، یہ اقدام علاقہ کے گھمبیرحالات کو مزید کشیدہ کردے گا۔#JaniKhel|#JanikhelPeaceMarch2Islamabad pic.twitter.com/YqBseKOD94
— Aftab Khan Sherpao (@AftabSherpao) June 23, 2021
دپښتونخوا قامي وطن پارټۍ مشر افتاب احمد خان شیرپاؤ هم په جاني خیل مظاهرینو دپولیسو د ډزو غندنه کړې ده اؤ په ټویټر یې لیکلي چې دې ډزو کې ګڼ کسان وژل شوي چې دا ګام به د وړاندې نه سیمه کې پیدا شوي کړکیچن حالات نور هم تاؤ ژن کړي.
هغه لیکلي” کومه سیمه چې وړاندې نه دترهګرۍ اؤ هدفي وژنو دپېښو څخه اغېزمنه ده هلته به داسې اقدام حالات نور هم تاؤژن کړي”
چیئرمین پی پی پی بلاول بھٹو زرداری کا خیبرپختونخوا کے ضلع بنوں میں چار نوعمروں کے بہیمانہ قتل پر احتجاج کرنے والے مظاہرین سے یکجہتی کا اظہار@BBhuttoZardari
— PPP (@MediaCellPPP) June 23, 2021
دپاکستان پیپلز ګوند مشر بلاول بوټو زرداري هم په ټویټر دجاني خیلو د احتجاج کوونکو سره دیووالي څرګندونه کړې ده اؤ همدغسې دعوامي نیشنل ګوند صوبایي مشر ایمل ولي خان هم په دې پېښه دخفګان په څرګندؤلو سره په ټویټر لیکلي چې هغه دپښتنو داستازي په توګه ددې معاملې دهواري دپاره هرځائ کې خبرو اؤ جرګې ته تیار دی.
جانی خیل میں جاری دھرنے نے آج اسلام آباد کا رخ کیا، راستے میں ٹوچی پل پر پولیس نے سٹریٹ فائرنگ کرکے ایک نوجوان کوقتل کردیا ہے جبکہ کئی دوست زخمی ہیں۔ اطلاعات کے مطابق شہیدوں میں اضافے کی امکان ہے.#JanikhelPeaceMarch2Islamabad
— Mir Kalam Wazir (@KalamWazir) June 23, 2021
دشمالي وزیرستان نه د خیبر پښتونخوا اسمبلۍ غړي میرکلام وزیر په ټویټر لیکلي پولیسو دټوچي پل ترڅنګ په مظاهره چیانو نیغ په نیغه ډزې کړي چې پکې یو زلمی وژل شوی اؤ څو تنه نور ژوبل دي .
هغه وایي داسې اطلاعات شته چې د مړو شمیر کې داضافې امکان ښایي
سیمې نه وي او ای ډیوه ته دترلاسه شوؤ معلوماتو په اساس دجاني خیلو څخه په احتجاج بوخت ګڼ شمیر کسان د چهارشنبې په سههار څلور بحې د ملک نصيب خان دمړي سره پېدل اسلام اباد پله روان شوي دي اؤ دا مهال دشلو کلو میټره واټن په وهلو سره دبنو تبلیغي مرکز ته رسیدلي دي.
دجاني خیلو دقبیلې یو مشر ملک مویز خان وي او ای ډیوه ته ویلي کله چې دوئ نن سهار داحتجاجي لاریون دپاره اسلام اباد ته روان شول نو د ټوچي پل په سیمه کې یې پولیسو مخه ونیوله اؤ الغاؤ تلغاؤ جوړ شو.
دهغه په وینا دټوچي پل سره نزدې پولیسو په احتجاج کوونکو ډزې کړي چې یو تن پکې وژل شوی اؤ درې نور ژوبل دي خو په ټولنیزو رسنیو دعوې شوي چې په ډزو کې څلور مظاهره چیان وژل شوي اؤ ګڼ شمیر نور ژوبل شوي دي.
دسیمې انتظامیې،پولیسو اؤ یا هم لا حکومت په دې هکله څه نه دي ویلي خو یو سیمه ییز چارواکي ډیوه ته د نوم نه ښودلو په شرط منلې ده چې دې پېښه کې یو تن وژل شوی دی اؤ هغه هم معلومه نه ده چې دچا په ډزو لګیدلی دی؟
پاکستاني رسنۍ هم دجاني خیلو د احتجاجي اؤ ددې پېښې په اړه د څه ویلو نه ډډه کوي .
په 30 مې په جاني خېلو کې قومي مشر نصيب خان د نامالومو کسانو په ډزو وژل شوی وو.له دغې وروسته جاني خېل قوم د ملک نصيب خان د جنازې سره احتجاجي پرلت پېل کړی وو چې ۲۲ ورځې یې دوام وکړو اؤ دغوښتنو نه منل کیدو وورسته نن په ۲۳مه ورځ داحتجاج دپاره اسلام اباد ته روان شوي وؤ.