پاکستان کې حکومت دتېلو بیعې نورې هم لوړې کړي اؤ وزیراعظم عمران خان دیو لیټر پټرولو په نرخ کې دپینځوؤ روپو اؤ ۴۰پیسو داضافې منظوري ورکړې ده.
پاکستان کې حکومت مخالفو ګوندونو اؤ دټولنیزو رسنیو فعالو دتیلو بیعو کې دا لوړوالی مسترد کړی اؤ وایي حکومت په غریب ولس هرڅه دایي ایم ایف په وینا ګرانوي.
دپاکستان د وزیراعظم سلاکار ډاکټر شهباز ګل د زیارت په ورځ ویلي په نړیوال مارکیټ کې دتیلو بیعې لوړې شوي چې دهغې له امله دپټرولیم مصنوعاتو دڅار ادارې اوګرا وزیراعظم ته وړاندیز کړی ؤ چې دیو لیټر پټرولو بیعه باید 11.40 لوړه کړل شي.
شهباز ګل وایي وزیراعظم د اوګره دسپارښتنې برعکس د ولس په ګټه د پټرولو دیو لیټر نرخ یوازې پینځه روپۍ اؤ څلویښت پیسې لوړ کړی،د ډیزلو دیو لیټرپه نرخ کې دوه روپۍ اؤ ۵۴ پیسې اؤ د لایټ ډيزلو نرخ کې یوه روپۍ اؤ ۲۷پیسې اضافه کړل شوې ده.
وزیرِ اعظم نے اوگرا سفارشات کے برعکس عوامی مفاد میں پٹرول کی قیمت میں محض 5.40 روپے فی لیٹر اضافے کی منظوری دی ہے۔ ڈیزل کی قیمت میں 2.54 روپے فی لیٹر، کیروسین کی قیمت میں 1.39 روپے فی لیٹر اور لائٹ ڈیزل کی قیمت میں 1.27 روپے فی لیٹر کی اجازت دی گئی ہے۔
— Dr. Shahbaz GiLL (@SHABAZGIL) July 15, 2021
دیوې نیمې میاشتې په لنډه موده کې دا دریم ځل دی چې پاکستان حکومت دتیلو بیعې لوړې کړی دي اؤ هرځل حکومت وایي چې د پټرولیم مصنوعاتو ادارې ورته د تیلو بیعو کې د زیات لوړوالي سپارښتنه کړې وه خو حکومت د ولس په ګټه کې دا نرخونه لږ لوړ کړل.
واکمنۍ ته له رسیدو وړاندې دپاکستان وزیراعظم عمران خان د تیلو په لوړو بیعو سختې نیوکې کولې اؤ پخپلو زیاترو تقریرونو کې یې په وړاندیني حکومت تور لګولو چې دخپلو غلاګانو دپیسو پوره کولو دپاره دتیلو بیعې لوړوي اؤ بوج په غریب ولس اچوي.
وزیراعظم عمران خان اقتدار ته رسیدو نه وړاندې هیواد کې د ګرانۍ یو ستر علت دتیلو دبیعو لوړوالی هم ښودلو.
عوامی نیشنل پارٹی پٹرولیم مصنوعات کی قیمتوں میں اضافہ مسترد اور واپس لینے کا مطالبہ کرتی ہے۔ پٹرول کی قیمت میں 5 روپے 40 پیسے کا اضافہ بدترین ظلم ہے۔ اوگرا کی جانب سے ڈرامہ بازی کی جارہی ہے، زیادہ اضافے کی تجویز اور پھر اضافہ دراصل عوام کے معاشی قتل کے برابر ہے1/4
— Asfandyar Wali Khan (@AsfandyarKWali) July 15, 2021
پاکستان کې حکومت مخالفو ګوندونو اؤ دټولنیزو رسنیو فعالو دتیلو بیعو کې دا لوړوالی مسترد کړی اؤ وایي حکومت په غریب ولس هرڅه دایي ایم ایف په وینا ګرانوي.
دعوامي نیشنل ګوند مشر اسفندیار ولي خان وایي حکومت یوه میاشت کې په دوهم ځل په ولس دپټرولو بم غورځولی دی خو په بې حسه واکمنانو هیڅ فرق نه پریوځي.
هغه وایي دا خلک چې اپوزیشن کې وؤ نو دعوې به یې کولې چې پټرول به ۴۴ روپۍ لیټر ولس ته ورکوي .
نوموړي دحکومت نه غوښتنه کړې ده چې دپټرولو نرخ کې دا اوسنۍ اضافه بېرته واخلي ولې چې په یو لیټر کې پینځه روپۍ اؤ ۴۰ پیسې اضافه ولس سره بدترین ظلم دی.
پٹرول کی قیمت میں ھوشربا اضافہمہنگاٸ غربت اور بھوک بڑھے گی عید الاضحٰی پر حکومت نے تنخواہ داروں اور متوسط طبقے کی قربانی کر دی آٸ ایم ایف بجٹ ابھی کیا کیا رنگ دکھاۓ گا
— Khawaja Saad Rafique (@KhSaad_Rafique) July 15, 2021
دمسلم لیګ نواز ګوند یو مرکزي مشر اؤ پخواني مرکزي وزیر خواجه سعد رفیق په ټویټر لیکلي دپټرولو نرخ کې ددې پریمانه اضافې سره به ګرانۍ،غربت اؤ ولږه کې هم اضافه وشي.
هغه ویلي حکومت په غټ اختر کې دتنخادارې اؤ منځومانې طبقې قرباني ورکړه اؤ اوس به وړاندې کتلی شي چې د ایي ایم ایف بجټ به نورې څه کانې کوي.
جمعیت علماء اسلام نے پٹرولیم مصنوعات کی قیمتوں میں اضافہ کو مسترد کردیانااہل حکومت کی جانب سے عوام کو عید کا تحفہ مہنگے پٹرول کی صورت میں دے دیا گیا،لگتا ہے حکومت کا پوری قوم کو احساس پروگرام میں بھیک مانگنے پر مجبور کرنے کا پروگرام ہے ۔
— Jamiat Ulama-e-Islam Pakistan (@juipakofficial) July 15, 2021
جمعیت علماء اسلام ګوند هم دتیلو بیعو کې دلوړوالي غندنه کړې اؤ پخپل یو بیان کې یې ویلي چې نااهله حکومت ولس ته داختر تحفه د ګرانو پټرولو په شکل کې ورکړه.
ددغه ګوند په بیان کې ویل شوي چې حکومت پروګرام لري چې ټول قام احساس پروګرام کې په خیرات غوښتو مجبوره کړي.
سیاست جائے بھاڑ میں ہمیں تو کنٹینر پر کھڑے ہو کر ایک شخص نے یہ منطق سمجھائی تھی کہ اگر پٹرول مہنگا ہوتو سمجھ لو کے تمہارا وزیراعظم چور ہے۔
— Nawab Sahb (@BlochistaniNwab) July 15, 2021
د پټرولو د ګرانولو په اعلان پاکستان کې په ټولنیزو رسینو په حکومت سخت ریشخند هم وهل شوی اؤ یو شمیر فعالینو لیکلي په تیره یوه نیمه میاشت کې حکومت په دریم کرت دتیلو بیعې لوړې کړي خو په ورسره په ولس دا احسان هم کوي چې اوګره خو د زیاتې اضافې سپارښتنه کړې وه خو وزیراعظم په ولس خوږیږي ځکه یې دپټرولو بیعې لږې لوړې کړې.
دبلوچستان پخواني اعلا وزیر نواب اسلم رئیساني د وزیراعظم عمران خان پخوانیو ویناګانو ته په اشاره په ټویټر لیکلي "سیاست دې سر وخوري،مونږ ته خو په کنټینر ولاړ یو تن دا منطق وړاندې کړی ؤ چې که چرې پټرول ګران وي نو پوهه شئ چې ستاسو وزیراعظم غل دی"
دپټرولو ترڅنګ په دې وروستیو کې په پاکستان کې دبجلۍ ،ګیس اؤ دخوراک څښاک دشیانو نرخونه هم لوړ کړل شوي اؤ حکومت دریځ وړاندې کوي چې دحکومت دمعیشت دپیاوړتیا دپاره په داسې سختو فیصلو کولو مجبوره دی.
خو څېړونکي بیا تور لګوي چې دعمران خان حکومت سره دخپلو مخالفینو د ځورؤلو اؤ په هغوئ له تورونو لګولو پرته بل هیڅ اقتصادي پلان په لاس کې نشته