د امریکې نوي ټاکل شوي جمهوررئیس براک اوباما به د جنورۍ په میاشت کې په رسمي توگه خپله څوکئ سنبالولو وړاندې د خپلې انتظامیه غړو نومولو لپاره په تیزی سره کار پېل کړی دی.
د ښاغلي اوباما نزدې سرچینې وایي د خزانې وزارت څوکئ لپاره نوموړي د نومونو یو فهرست تیار کړی دی.
په دغه نومونو کې د نیویارک فیډرل ریزرو بنک رئیس ټیموتي گیټنر، د پخواني جمهوررئیس بل کلنټن په وخت کې امریکا د فیډرل ریزرو بنک رئیس لرنس سومرز او دغه بنک پخوانې رئیس پال ولکر شامل دي.
د امریکا د بهرنیو چارو وزارت لپاره د ډیموکریټ گوند سناتور جان کېري او د ریپبلېکن گوند سناتور چک هیگل په نومونو غور روان دی.
ددفاع وزارت لپاره د امریکې سمندري ځواکونو پخواني سېکتر رچرډ ډنزیگ تر ټولو وړاندې کاندید دی.
