کابل —
د کډوالواو هیواد ته د ستنېدونکو چارو وزارت وایي افغانستان ته به سږ کال له پاکستان او ایران څخه یوملیون افغان کډوال راستانه شي.
د وزارت د مطبوعاتو سلاکار ویلي تیره ورځ له پاکستان څخه هیواد ته د راجسټرشویو افغان کډوالو د ستنیدولړۍ پیل شوې او په دې یوه ورځ نږدې ۶ سوه کډوال راستانه شوي.
حافظ احمد میاخیل وویل د کډوالو نړیوالې ادارې لخوا له را ستانه شویو کډوالو سره د نغدو پیسو مرستو په کمښت اندیښنه څرګنده کړه او وې ویل چې ددې ادارې دیوې اړخیزې پریکړې پراساس دنغدو مرستو کچه له ۴۰۰ ډالرو څخه ۲۰۰ ډالرو ته راکمه شوي ده.
نوموړي وویل ټاکل شوې په سږ کال کې له درې نیم لکو څخه تر څلور لکو پورې راجسټر شوي افغان کدوال هیواد ته راستانه شي او دکډوالو له نړیواله اداره دې له راستنېدونکو کډوالو سره د مرستو دکمیدو پرځای بشرې مرستې زیاتې کړي.