د افغانستان د ختیځ ولایت ننګرهار په اچین ولسوالۍ کې یو امریکايي سرتیری وژل شوی او څلور نور ژوبل شویدي.
په افغانستان کې د میشت امریکايي پوځیانو لخوا په یو خپور شوي بیان کې راغلي دي چې دا پېښه د ۲۰۱۸ کال د جنورۍ میاشتې په لومړۍ نېټه په اچین کې رامنځ ته شوېده.
په بیان کې وړاندې راغلي دي چې د دوو ژوبل شویو سرتیرو درملنه په نږدې روغتیايي مرکز کې شوېده چې دا مهال یې روغتیايي وضعه ښه ده او بیرته خپلې دندې ته ستانه شویدي.
په افغانستان کې د امریکايي ځواکونو قومندان جنرال نیکولسن د خپل سرتیري په وژل کېدو باندې خواشیني څرګنده کړېده او د پېښې د قربانیانو له کورنیو سره یې غمرازي ښودلې.