پیښور کې په ارمي پبلک سکول طالبانو د حملې په ترڅ کې امنیتي ځواکونو د بلوچستان په مختلفو برخو کې وسله والو خلاف کاروائي کړې ده او د کوټې سره نزدې يي د پاکستاني طالبانو شپږ مشکوک غړي نیولې چې پکې د ټې ټې پي یو اهم مشر هم شامل دی.
د سرحدي ځواکونو یو لوړ رتبه چارواکې وویل کوټې سره نزدې کچلاغ کې د کاروائي په وخت د طالباني طالبانو شپږ مشکوک غړي نیول شوي دي چې پکې یو د طالبانو مشر هم شامل دي. کاروائي کې وسله هم ترلاسه شوي ده.
د کچلاغ په رنگ وسله والو خلاف کاروائي د بلوچستان په پشین، زیات، کاڼ میترزۍ، سنجاوئ او مسلم باغ کې هم شوي ده او چارواکې وايي گڼ شمیر مشکوک کسان نیول شوي دي.
د مشکوک وسله والو خلاف بلوچستان کې کاروائي په داسې مهال کیږي چې اسلام آباد کې وزیراعظم نوازشریف د یوې غونډې په موقع ویلي ترهگرو خلاف جنگ کې به د ریاست ټول طاقت استعمالوي.
بلوچستان د تیرې څه مودې راهسې د ټیټی کچې بغاوت سره مخ دی او چارواکې د حکومت خلاف حملو ذمه واري په بیلتوخوښو بلوڅ وسله والو لگوي.
په تیرو څو ورځو کې د بلوچستان د پښتنو په سېمو کې د ناپیژندل شوو کسانو تر ١٥ پورې مړی موندل شوي دي.
د بلوڅ یاغیانو ترڅنگ بلوچستان کې ویل کیږي چې طالبانو هم موجودگي لري.