د پاکستان وزیراعظم نوازشریف په قبائیلي سیمو کې د ائيني اصلاحاتو لپاره د لوړې کچې کمیټي جوړه کړې ده چې د فاټا پارلیماني غړو سره به د قبائیلي سیمو ائنده په هکله خبرې اترې کوي.
باجوړ نه د قامي اسمبلۍ غړي شهاب الدین خان وي او ای ډیوه ته مرکه کې د کمیټۍ جوړیدل د قبائیلي سیمو د اولس دپاره د نوي سحر زیری بللی دی.
شهاب الدین خان وايي پاکستان په تاریخ کې دا اول ځل دی چې حکومت د قبائیلي سیمو خلکو ته د خپلو حقوقو ورکولو دپاره دومره سنجیده گام پورته کړی دی.
شهاب الدین وايي اعلان کړی شوي کمیټي به په هغه بل هم غور کوي چې د فاټا د پارلیمنټ غړو قانون سازۍ دپاره پارلیمان ته وړاندې کړی دی. په دغه قانوني مسوده کې د قبائیلي سیمو د ائنده په هکله درې لارې ورکړی شوي چې فاټا ته دې د صوبې حيثيت ورکړی شي، یا دې د خیبر پښتونخوا برخه شي او د گلگت بلتستان په رنگ ځان له بیل انتظامي حېثیت ورکړی شي.
فاټا دپاره د حکومت لخوا اعلان شوي کمیټۍ مشري به خارجه چارو لپاره د وزیراعظم مشیر سرتاج عزیز کوي او پکې به د قامي سلامتیه صلاحکار جنرل ریټائرډ ناصر جنجوعه، زید حامد او د سرحداتو وزیر شامل وي.
په دې اړه نور تفصیل شهاب الدین خان سره د وي او ای ډیوه خبریال اقتخار حسین په مرکه کې دلته اوریدی شۍ
Your browser doesn’t support HTML5
فاټا کې اصلاحاتو په اړه د باجوړ ایم این ای شهاب الدین مرکه