د پشتون ژغورنې غورځنګ یو شمیر مشران د پاکستان پنجاب صوبې په لاهور ښار کې ځايي پولیسو نیولي.
علی وزیر ، بلال مندوخیل ، مزمل اور عصمت شا جہان اور دیگر کو پنجاب پولیس نے گرفتار کئے ۔ #ریاستی غنڈہ گردی Manzoor Pashteen #
— Pashtun Tahafuz Movement (PTM)/پښتون ژغورنې غورځنګ (@PashtunTM_Offi) April 21, 2018
په ټولنیزو رسنیو د غورځنګ د یو شمیر غړو لخوا ویل شوي چې په لاهور کې سبا له کیدونکي جلسې د تیاریو لپاره تللي مشرانو کې علي وزیر، بلال مندوخیل، شهباز، عصمت شاه جهان او په پنجاب پوهنتون کې د پښتون کونسل پخوانی مشر مزمل د لاهور داتا ګنج بخش د مقبرې سره نژدې د یو هوټل نه پولیسو پورته کړي دي.
Punjab Police has arrested Ali Wazir and other friends of PTM.
— Mohsin Dawar (@mjdawar) April 21, 2018
د پښتون تحفظ مومنټ یو بل غړي غړي محسن داوړ هم په خپل ټوېټر لیکلي د پنجاب پولیسو د غورځنګ یو مهم مشر علي وزیر نیولی دی. په ټولنیزو رسنیو بیا یو شمیر خلکو د پولیسو دغه ګام غندلی.
د پېښور پوهنتون د نړیوالو اړیکو څانګې پخواني مشر پروفیسر اعجاز خټک په ټویټر دغه ګام غندلی او لیکلي ٫٫ اول د پاکستان میډیا لخوا د پي ټي ایم پرامنه احتجاجونه ودرول، بیا دهړکې، او اوس د ریاست لخوا د تحریک غړي نیول. ددې په هر حال کې غندنه خو په پرامنه لار پکار ده.٬٬
After having failed in containing PTM thru media blackout the fake Pak TM snd threats, the State is trying to provoke PTM by arresting Ali Wazir other activists of PTM - this must be condemned strongly but strictly peacefully
— Prof Ijaz Khan (@ijazkhan) April 21, 2018
د پنجاب پولیسو لخوا د پي ټي ایم دغه مشران په داسې وخت نیول شوې چې د پښتون ژغورنې غورځنګ سبا له د پنجاب په سرښار لاهور کې لویه جلسه اعلان کړې او د لاهور ښار ضلعي انتظامې نن د دغې احتجاجي جلسې لپاره پي ټي ایم ته د اجازې یا اېن او سي ورکولو نه انکار کړی.
سره د دغې انکار د غورځنګ مشرانو په خلکو غږ کړي چې سبا له د لاهور موچي ګیټ کې کیدونکي دغه جلسې لپاره ځانونه ورسوي.