لاس رسیدونکی لینک

تازه خبر

د پاکستان راتلونکې ټولټاکنې

د اسمبلۍ په غونډه کې به د صوبايي اسمبلۍ نوي منتخب شوي غړي سوګند پورته کوي او د هغې وروسته به د سپيکر او د ډپټي سپيکر ټاکنه ‏کيږي او بيا به نوی وزيراعلا منتخب کولی شي
د اسمبلۍ په غونډه کې به د صوبايي اسمبلۍ نوي منتخب شوي غړي سوګند پورته کوي او د هغې وروسته به د سپيکر او د ډپټي سپيکر ټاکنه ‏کيږي او بيا به نوی وزيراعلا منتخب کولی شي

د خېبرپښتونخوا نګران وزيراعلا د صوبې ګورنر ته سمري لېږلې چې د اتمې فرورۍ د انتخاباتو وروسته د صوبايي اسمبلۍ غونډه راوبلي.‏

د پاکستاني مطبوعاتو خبر ورکړی چې د خېبرپښتونخوا د اطلاعاتو نګران وزير بېرسټر فېروز جمال کاکاخېل د وزیراعلا لخوا ګورنر ته د سمرۍ ‏لېږلو ويلي دي.‏ نوموړي ویلي، چې د غونډې رابللو د نېټې ټاکل د ګورنر اختيار دی.‏

د اسمبلۍ په غونډه کې به د صوبايي اسمبلۍ نوي منتخب شوي غړي سوګند پورته کوي او د هغې وروسته به د سپيکر او د ډپټي سپيکر ټاکنه ‏کيږي او بيا به نوی وزيراعلا منتخب کولی شي.‏

په خېبرپښتونخوا کې د تحریک انصاف ګوند حمایت يافته ازادو امېدوارانو زياتې څوکۍ ګټلي او تحریک انصاف ګوند د خپلو ازاد امېدوارانو په سني ‏اتحاد کونسل کې د شاملولو ويلي دي.‏

پاکستان تحريک انصاف ګوند په خېبرپښتونخوا کې د وزيراعلا دپاره علي امين ګنډاپور نومولی دی.‏

پاکستان کې په اتمه فرورۍ ترسره شوو انتخاباتو وروسته د سياسي ګوندونو لخوا احتجاجي روان وي او تورونه لګوي چې په انتخاباتو کې درغلۍ شوي ‏دي.‏

د جمعې په ورځ عوامي نېشنل ګوند په چارسده کې احتجاجي مظاهره وکړه او ويلي يې دي ټاکنې نه منی او احتجاجي مظاهرې به یې تر هغې روانې وي تر څو چې نوې ‏ټاکنې نه وي اعلان شوي.‏

د عوامي نېشل ګوند صوبايي مشر ايمل ولي خان په چارسده کې احتجاجي غونډې ته وویل "انقلاب په بلوچستان کې شروع دی، انقلاب په ‏سیند کې شروع دی، انقلاب په سیند کې روان دی، انقلاب تاريخي د پښتونخوا نه شروع کيږي، ټول ملک به يو ځای کيږي په دې يوه نکته چې د پوځ ‏کردار به د جمهوريت او سياست نه ختموو".‏

وینا کوونکو تور لګولی چې رياستي ادارو په شوو ټاکنو کې لاسوهنه کړې ده.

د پاکستان پوځ بيا بيا په ملکي سياست کې د لاسوهنې تورونه رد کړي ‏او د پوځ مشر جنرل عاصم منیر د فرورۍ په لسمه په یو بیان کې نګران حکومت، د انتخاباتو کمیشن او د پاکستان ولس ته مبارکي ورکړې وه او انتخابات ‏یې کامیاب او ازاد ګڼلي وو.‏

د جمعې په ورځ د پنجاب اسمبلۍ دپاره کامیابو شوو امېدوارانو سوګند پورته کړی او نن بيا د سپيکر او ډپټي سپيکر د انتخاب دپاره د اسمبلۍ غونډه رابلل شوې ‏ده.‏

د خالي په ورځ د سيند اسمبلۍ د غونډې رابللو هم ويل شوي او مخالفه ګوند (ګرېنډ ډېموکرېټک الاينس) د سيند اسمبلۍ نه بهر د احتجاج اعلان کړی دی.

د سرف شارک ترجمانې لینا سروېلا په یو بیان کې وویل چې په پاکستان کې د انټرنېټ په سېنسرشېپ کې د تشویش وړ اضافه کېږي په ۲۰۲۴ کې به په پاکستان کې په انټرنېټ د نورو کلونو زیات قدغنونه لګول شوي وي
د سرف شارک ترجمانې لینا سروېلا په یو بیان کې وویل چې په پاکستان کې د انټرنېټ په سېنسرشېپ کې د تشویش وړ اضافه کېږي په ۲۰۲۴ کې به په پاکستان کې په انټرنېټ د نورو کلونو زیات قدغنونه لګول شوي وي

په پاکستان کې اېکس، پخواني ټوېټر، ته د جمعې په ورځ هم لاس رسی د خنډانو سره مخامخ و. په هېواد کې اېکس یوه هفته مخکې پس له دې وځنډول شو چې یو د حکومت یو اعلا چارواکي د اتمې فېبرورۍ په انتخاباتو کې په درغلۍ کې د ککړتیا اعتراف وکړو.

نېټ بلاکس نومې د انټرنېټ د تحفظ یا ساېبر سېکیورټي کمپنۍ وویل اوومه ورځ ده چې په پاکستان کې اېکس ته په لاس رسي کې مشکلات موجود دي خو دا هتفه وخت به وخت به وېب پاڼې ته لاس رسی کېدلی شو.

د سږ کال د شروع کېدو راهسې د پاکستان قریباً ۱۲۸ مېلین د انټرنېټ صارفین پینځه ځله انټرنېټ د بندېدو سره مخامخ شوي دي. دا خبره په لېتوېنیا کې مېشته سرف شارک نومې کمپنۍ کړې چې په نړیواله کچه د انټرنېټ د بندېدو څارنه کوي. په ۲۰۲۲ کې په پاکستان کې څلور ځله انټرنېټ بند شوی و.

د سرف شارک ترجمانې لینا سروېلا په یو بیان کې وویل چې په پاکستان کې د انټرنېټ په سېنسرشېپ کې د تشویش وړ اضافه کېږي په ۲۰۲۴ کې به په پاکستان کې په انټرنېټ د نورو کلونو زیات قدغنونه لګول شوي وي.

د کال ۲۰۲۴ د جنورۍ په میاشت کې یوټیوب، اېکس، فېس بک او انسټاګرام دوه ځله تړل شوی و. په سوشل میډیا دغه بندیزونه په داسې وخت لګول شوي وو چې د پخواني وزیراعظم عمران خان پاکستان تحریک انصاف ګوند د انتخاباتو لړ کې تقریبونه کول.

په اتمه فېبرورۍ د انتخاباتو په مهال هم په انټرنېټ درې ځله قدغنونه لګول شوي وو. په پاکستان کې د ووټونو په ورځ او د دې نه څو ګنټې وروسته په ټول ملک کې د موبایل او انټرنېټ خدمات تړل شوي وو.

د چارواکو دریځ وو چې د ووټونو په ورځ امن او امان ښه کولو دپاره انټرنېټ او د موبایل سروس د ځنډولو ګام اخیستل شوی و.

اېکس ته په پاکستان کې د فېبرورۍ د ۱۷ نېټې راهسې لاس رسی ځنډېدلی دی.

د راولپنډۍ کمېشنر لیاقت علي چیمه د دې اعلان وروسته چې د هغه په سرپرستۍ کې په انتخاباتو کې په پراخه درغلي شوې، سمدسي وروسته اېکس معطل شو.

د پاکستان الېکشن کمېشن د چیمه خبرې مسترد کړي او وروسته د خپل بیان نه په شا شوی دی.

که څه هم د پي ټي ايي حمایت یافته امیدوارانو په انتخاباتو کې زیاتې چوکۍ ګټلي خو ګوند وايي په ووټونو کې ټګي شوې ده. د پي ټي ايي نه علاونه نور پارټو، نورو ملکونو او نړیوالو ادارو هم د انتخاباتو شفافیت د پوښتنو لاندې کړی دی.

د پاکستان ګران حکومت د امریکې، ملګرو ملتونو او د برطانیې دا غوښتنې رد کړي چې په ووټونو کې د درغلیو د الزاماتو تحقیقات دې وکړی شي.

فریډم هاوس چې د شهري حقونو څارنه کوونکی تنظیم دی، انټرنېټ ته د لاس رسي په لحاظ پاکستان ازاد ملک نه ګڼي.

اېکس په پاکستان څو مېلین صارفین لري جې زیاتره په سیاسي توګه فعال ګڼل کېږي.

نور کتل

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00
XS
SM
MD
LG