د روس صدر ولاديمير پوټین د وېګنر ګروپ د بغاوت په مهال د څو روسي پايلټانو د وژنو تاييد کړی او د بغاوت تور یې د روس په دښمنانو لګولی دی.
د خالي- شنبې په ورځ وېګنر ملېشې ګروپ ويلي وو، د روس په جنوب کې پروت ښار روستوف ان ډان کې یې پوځي مرکز په ولقه کې اخستی وو.
د وېګنر ملېشې ګروپ مشر يوګيني پرېګوژين د خالي په سهار ويلي وو،"نن سهار په اووه نيمې بجې دوی په روستوف شار کې په پوځي مرکز کې موجود وو او ايروډ روم هم د دوی په ولقه کې دی".
د روس صدر ولاديمير پوټین قام ته په وينا کې ويلي وو، د روس پرضد وسله پورته کوونکو ته به سخته سزا ورکولی شي د وېګنر ګروپ پرضد به سخته کارروايي وشي او ښار به ارام کړل شي.
پوټین تېر د ګل- دوشنبې په شپه قام ته په وینا کې ویلي، د وېګنر په بغاوت کې د روس پايلټان وژل شوي دي. خو روس نه دي ویلي، څومره پوځي الوتکې یا هيلي کاپټرې یې تباه شوي دي.
رويټرز د روس د پوځ په هلو ځلو نظر لورنکي [رایی بار] بلاګ له قوله ویلي، د خالي په ورځ بغاوت کې 13 پايلټان وژل شوي، درې جنګي هیلي کاپټرې او يوه الوتکه د عملې سره تباه کړی شوې وه.
د يادو دعوو د ازادو سرچينو څخه تصديق نه دی شوی.
پوټین ويلي، د روس پايلټانو ځانونه قربان کړي او روس یې خوندي کړی دی. هغه ويلي د هغو کسانو ضد به ضرور ګامونه پورته کولی شي څوک چې د دغه بغاوت په شا وو.
د وېګنر ملېشې ګروپ مشر يوګيني پرېګوژين د یو ښار د نيولو وروسته ماسکو پله د تلو ويلي وو خو د بېلاروس د مينځګړيتوب وروسته يو تړون شوی او وېګنر بيا بغاوت ختم کړی وو.
ويل کيږي، پرېګوژين بېلاروس ته منتقل شوی او روس د وېګنر د جنګيالو ضد د اقداماتو نه کولو اعلان کړی دی.
د امریکې صدر جوبايډن ویلي، په روس کې بغاوت په خپلمنځي نظام کې دننه يوه هڅه شوې او زياته کړې یې ده د لويديځ اتحاد په دغه کار کې لاس نه درلود.
هغه ويلي د امريکا يا لويدیځ د اتحاد د دې سره هیڅ تعلق نه وو.
د اې پي خبري ادارې ترمخه جوبايډن ويلي، د امريکا او نېټو د اتحاد د وېګنر ګروپ په بغاوت کې هیڅ کردار نه وو، او زیاته کړې یې ده، تازه پېښې، او په روس او اوکراين یې د دې د اغېزو جاج اخستل کيږي خو په دې ختمي نتيجې ته رسېدل لا ممکن نه دي چې دا معاملات به کمې خوا ته ځي.
[ د دې خبر معلومات د رويټرز او اې پي څخه اخستل شوي].
