دپاکستان دبلوچستان صوبې سرښار کوئټه کې ديوې چاؤدنې له امله لږ ترلږه يو تن وژل شوى اؤ ٣٠ نور ژوبل شوي دي.
دکوئټې پۀ ډبل روډ شوې دغه چاؤدنه کې دترهه گرۍ دمخنيوي دعدالت دجج نذير احمد لانگو گاډى په نخښه کړل شوى چې له امله يې دهغه گاډى ته زيان ورسيدو خو هغه ددغه چاؤدنې نه ژوندى وتلى دى.
سرچينې وائي په يو سوزوکي الټو کې تر ٢٥ؤ کلو گرامو پورې بارود ايښودل شوي وؤ اؤ دغه گاډى ددوکانونو سره نزدې اودرول شوى ؤ.
دپوليسو يو افسر عمران قريشي ميډيا سره خبرو کې وئيلي دي چې نذير لانگو دغه حمله کې محفوظ دى خو دهغه دوه محافظان پکې ژوبل شوي اؤ زياته کړې يې ده چې دچاؤدنې هدف دجج گاډى ؤ، دچاؤدنې له امله سيمه کې گڼ شمير گاډو اؤ کانونو ته هم زيان رسيدلى.
ژوبل کسان دعلاج لپاره هسپتال ته رسول شوي چې پکې دزياترو حالت دخطرې نه بهر ښودل کيږي.
تيره مياشت هم دکوئټې په اسپني روډ يوه ريموټ کنټرول بم چاؤدنه کې ديوې درې کلنې ماشومې په گډون ٨ کسان وژل شوي وؤ.
