د سندهـ صوبې د محکمه داخله سيکرټري عبدالکبير قاضي وايي ، د حکومت په مرکزي سطح د ترهگرۍ په ضد جوړې شوې قامې تگ لارې (نيشنل اېکشن پلان) باندې صوبه کې عمل شورو شوی ، او عملي گامونه پورته کولی شي .
وايس اف امريکا ډيوه ريډيو سره خبرو کې عبدالکبير ووئيل ، د صوبې اپېکس کمېټۍ په غونډه کې پرېکړه شوې چې د ترهگرۍ د پېښو دپاره به په کراچۍ او د صوبې په نورو برخو کې ځانگړې تهاڼې او جېل جوړول کيږي ، او په صوبه کې په غېرقانونه توگه د مېشت بهرنيانو په ضد د کاروايۍ دپاره د هغويې مالومات رايوځايی کولی شي .
"ټول بهرنيان چې په صوبه (سندهـ) کې په غېرقانونه توگه مېشت دي د هغويې شمېره د(۲۵ نه تر ۲۷ لاکو) پورې ده او په دغو کې د افغان کډوالو شمېره د (۱۰ لاکو) نه زياته ده چې غېرقانونه دي او رجسټرډ نه دي ، او(۶۷زره) پکې رجسټرډ شوي دي ".
هغه ووئيل دلته په مېشت نورو بهرملکيانو کې بنگاليان او د برما د خلکو سره د نورو هېوادونو کسان هم شامل دي . د هوم سيکرټري په وينا د بهرنيانو د ويستو په لړ کې به د مرکزي حکومت په پرېکړه عمل کوي .
د ملگرو ملتونو لخوا د کډوالو د نړېواله ادارې يو اېن اېچ سي ار د شمېرې ترمخه پاکستان کې ټول رجسټرډ افغان کډوال (۱۶ لاکه) دي چې په دويې کې(۶۷زره) په سندهـ صوبه کې يواېن اېچ سي ار سره رجسټرډ دي .
ولې په پاکستان کې د غېر رجسټرډ افغان کډوالو په گډون په غېرقانونه توگه د نورو بهرملکيانو کره شمېره يا د هغويې ريکارډ په يو ځاې کې هم نشته .
د محکمه داخله سيکرټري وايي ، دوه ورځې وړاندې د اپېکس کميټۍ په غونډه کې په غلطۍ سره د افغان کډوالو شمېره(۲۷ لاکه) ښودل شوې وه . د کمېټۍ په دغې غونډه کې وئيل شوي ؤ چې صوبه کې به د مدرسې يا جماعت جوړولو نه وړاندې به هر څوک د صوبايي حکومت اجازت اخلي .
د راپورونو ترمخه تېره ورځ د صوبې په بدين سيمه کې ۱۴ غېررجسټرډ مدرسې بندې کړی شوي دي .
خو عبدالکبير وايي دويې يواځې د هغو مدرسو يا نورو عبادت خانو په ضد د کاروايۍ پلان لري چې په غېرقانونه توگه په سرکاري زمکو جوړې شوي دي .
د نيشنل اېکشن پلان لاندې پوځې عدالتونو ته د مقدمو لېږلو په اړه نوموړي ووئيل ، مونږ د صوبې لخوا مرکزي حکومت ته د پوځي عدالتونو دپاره ۸۵ کېسونه لېږلي دي .
"په دغو کېسونو کې ۶۴ مونږ ځانگړي کړي او نور به مرکزي حکومت خپله گوري او پوځي عدالتونو ته به يې وړاندې کوي ، او په دغو کېسونو کې چې ټول د ترهگرۍ دي پکې د ۲۰۰ نه زيات ملزمان شامل دي ".
د سندهـ صوبې په نورو برخو او کراچۍ ښار کې د داعش ډلې د موجودگۍ د تپوس په ځواب کې نوموړي ووئيل "تراوسه پورې کوم داسې رپورټ نشتی چې هغويې دلته سيټ اپ کړی يا وجود لري يو ، دوه ځايه د هغويې وال چاکنگ (په ديوالونو ليکل) شوی دی" .
د هوم سيکرټري په وينا چې دغه دومره لويه مسله گڼل نه دي پکار ، خو دا ضرور ده چې وال چاکنگ يې شوی او د موجودگۍ کره خبر يې نشتی .
