کراچۍ —
د پاکستان بلوچستان صوبې سر ښار کوئټې په مارګټ علاقه کې د يوې چاؤدنې په نتيجه کې د ملېشې پينځه امنيتي سرتيري وژل شوي دي .
د سرکاري ميډيا ترمخه امنيتي چارواکو پخلی کړی دی چې نن د ګل په ورځ دغه پېښه رامنځته شوې او د ريموټ کنټرول د لارې د امنيتي سرتېرو په ګاډي بم چاؤدل شوی دی .
چاوراکو وئيلي بم د سړک غاړې ته ښخ کړی شوی او د امنيتي سرتېرو ګاډی د ګشت په ډيوټۍ مامور وو چې په هدف کړی شوی دی .
د راپورونو ترمخه د چاؤدنې په نتيجه کې د ملېشې پينځه سرتيري ځايي په ځايي مړه او دوه ژوبل شوي او روغتون ته وړل شوي دي .
د چاؤدنې نه پس د ملېشې عسکر موقعې ته رسېدلي او علاقه ېې په ګېره کې اخستې ده .
د پېښې زمه واري لا چا په غاړه نه ده اخستې .
د بلوچستان صوبې په بېلابيلو سيمو کې له دې وړاندې هم په امنيتي ځواکونو دغه ډول وژونکې حملې شوي دي .
