چارواکي وائي دترکي جنوب ختيزه سيمه کې يوه موټري بم چاؤدنه کې لږ ترلږه دوه پوليس افسران وژل شوي اؤ ٣٥ نور ژوبل شوي دي.
دامنيتي سرچينو ترمخه دغيرقانوني کردستان ورکرز پارټۍ( پي کى کى) لخوا دشام دپولې سره نزدې دنصيبين سيمه کې دپوليسو دتاڼې ترڅنګ ترسره شوې دغه بمي چاؤدنه سحر شپږ بجې شوې ده، خو دچاؤدنې ذمه واري په سمدستي توګه چا په غاړه نۀ ده اخستې.
تيرکال دجولا ئي مياشت کې دپي کى کى اؤ ترکي دحکومت ترمينځ داوربند دتړون دماتيدو څخه راپديخوا دترکي په امنيتي ځواکونو بريدونو کې اضافه شوې ده.
تيرکال انقره کې په پوځي بسونو ترسره شوي ځانمرګي بريد کې ٢٩ کسان وژل شوي وؤ.
