لاس رسیدونکی لینک

تازه خبر

په کراچۍ کې د القاعده يو مشر نيول شوی


د پوليس افسر په وينا د نيول شوي ملزم نه تفتيش روان دی او  دا وخت هغه د افعان طالبانو سره ملګری ؤ .
د پوليس افسر په وينا د نيول شوي ملزم نه تفتيش روان دی او  دا وخت هغه د افعان طالبانو سره ملګری ؤ .

د پاکستان غټ اقتصادي ښار کراچۍ پوليس وايي د القاعده يو مهم مشر يې نيولی د ی ، او نيول شوي کس د القاعده د وژل شوي مشر اسامه بن لادن سره ليده کاته کړي او ورته نزدې وو .

د کراچۍ ښار د رضويه سوسائټۍ د پوليس تهاڼې مشر (اېس اېچ او) ادريس عالم بنګش وي ای او ډيوه ريډيو ته د نيول شوي کس په اړه وويل هغه عبدالرحمان سندهي نوميږي او د کراچۍ د استخباراتي ادارو د معلوماتو په اساس د ګوليمار سيمې سره جوختې پرتې ناظم اباد نمبر(۱) علاقه کې نيول شوی دی .

د پوليس افسر په وينا نيول شوی کس د ۹۰م په لسيزه کې د افغانستان په قندهار سيمه کې د القاعده ډلې د وژل شوي مشر اسامه بن لادن سره مېلاؤ شوی وو . او تر اته ساعتو پورې ورسره ناست شوی دی او بيا په دې سيمه کې د القاعده مشر جوړ کړی شوی ؤ .

ادريس بنګش وويل عبدالرحمان سندهي به القاعده ته پېسې راټولې . هغه زياته کړه سندهي وروستو بيا د افغان طالبانو مشر ملاعمر سره هم ليدلي او د هغه په لاس يې بېعت کړی ؤ .

پوليس افسر وويل نيول شوي ملزم دا هم منلې چې په ورستيو کې د ملاعمر د مړينې نه پس هغه په کوئټه کې د ملاعمر د زويې سره هم مېلاؤ شوی دی .

د ادريس په وينا سندهی د امريکايي خبريال ډينيل پرل په کېس کې نومول شوي ملزم سعودمېمن نزدې کس ؤ او داسې معلوميږي چې دی د ډينيل پرل په وژنه کې د سعود مېمن سهولتکار يا اسانتياوې برابرؤنکی ؤ .

ډينيل پرل په کال ۲۰۰۲م کې په کراچۍ کې وژل شوی ؤ .

د رضويه پوليس مشر وويل د عبدالرحمان پلارنی ټاټوبې د سندهـ صوبې خېرپور سيمه ده . او په کال ۲۰۱۴م کې ملګرو ملتونو د هغه (سندهي ) نوم د بنديز لګېدونکو فهرست کې شامل کړی شوی او د هغه اکاؤنټونه ودرول (منجمد) کړی شوي وو .

د پوليس افسر په وينا د نيول شوي ملزم نه تفتيش روان دی او دا وخت هغه د افعان طالبانو سره ملګری ؤ .

په کراچۍ ښار کې له دې وړاندې هم پوليس د نورو ناقانونه ګرځؤل شوؤ ډلو د غړو او مشرانو ترڅنګ د القاعده پخواني او اوسني د برصغير څانګې د مشرانو د نيولو ادعاوې کړي دي .

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

ځانګړې ویډیوګانې

په بلوچستان کې د پولیو د څاڅکو ځانګړی کمپېن پيل شوی
please wait

No media source currently available

0:00 0:01:56 0:00

هېلو وي او اې په ټي وي

هېلو وي او ای
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG