بنګله دېش کې نن د زيارت په ورځ د وړوکي اختر د نمانځه په وخت د عيدګاه سره نزدې د مشکوک اسلام تُندروه په بمي چاؤدنه کې يو پوليس وژل شوی او پينځه نور ژوبل شوي دي .
د بنګله دېش په شمالي ضلع کشورګنج کې په زرګونو کسان د اختر نمانځه ته راجمع وو او په دغه مهال پوليس ساتونکو باندې ځايي جوړ شوی بم ويشتل شوی دی .
د چاؤدنې نه وروستو نښته کې يو حمله کوؤنکی هم وژل شوی دی .
راپورونه وايي بريد کوؤنکو په حمله کې د داعش د وسله والو د خوښې وسله کارولې ده کومه چې له دې وړاندې جنوبي اسيايي هېوادونو کې په لږکيو، هم جنسبازانو، روښان فکرو او پروفېسرانو په ضد حملو کې کارېدلې ده .
د روژې په مقدسه مياشت کې بنګله دېش، سعودي عرب، عراق، شام او امريکا کې ترسره شوؤ بريدونو کې ۲۵۰ کسان وژل شوي دي .
بنګله دېش د ډهاکې د بريد په پلټنو کې بوخت دی د ډهاکې په دغه بريد کې د داعش وسله والو ۲۸ يرغمل کړي کسان وژلي وو .
