د پاکستان د پوځ مشر جنرال راحیل شریف اووه سخت دریځه ترهګرو ته د مرګ د سزا ورکولو پخلی کړی دی .
د پوځ مطبوعاتي څانګې ايي اېس پي ار په یو بیان کې ویل شوي چې سزاوار شوي ترهګر د بې ګناه خلکو، پولیس او امنیتي ځواکونو د سرتېرو سره په فرقه ایزه وژنو کې ککړ وو .
د ايي اېس پی ار ترمخه د دغو ترهګرو د دلقې نه وسله ترلاسه شوې او په دوې په پوځي عدالتونو کې مقدمې چلول شوي دي .
په سزاوار شوؤ کسانو کې قاسم طوري، عابدعلي او دانش په قانون پلي کوؤنکو ادارو باندې بریدونو کې ککړ وو او د دوې تعلق د لاقانونه ګرځول شوؤ ډلو سره وو .
جهانګير او ذیشان په فرقه ایزه وژنو او امنیتي ادارو باندې بریدونو کې کې ککړ وو .
معتبرخان او رحمان الدین په وسله والو پوځونو، قانون پلي کوؤنکو او امن کمېټۍ غړو باندې بریدونو کې ککړ او تعلق يې د تحریک طالبان پاکستان سره دی .
ايي اېس پي ار ویلي سزاوار شوؤ ترهګرو د اورېدنې په مهال د عدالت په وړاندې خپل جرمونه منلي دي .
د کال ۲۰۱۴م د دسمبر په ۱۶م نېټه پېښور کې د پوځ د انتظام لاندې سکول باندې د طالبانو د برید چې پکې ۱۵۰ پورې کسان وژل شوي او زیاتره یې زده کړې کوؤنکي وو، د هغه پېښې نه پس پوځې عدالتونه جوړ کړی شوي وو .
پاکستان کې چې د څو کالو راهسې د مرګ سزا نه عملي کېده پېښور کې په سکول د برید نه وروستو پرې بیا عمل کېدل پېل شوي دي .
