افغان چارواکي وايي ختيز ولايت ننګرهار کې دقبايلي مشرانو په يوه غونډه کې ترسره شوي ځانمرګي بريد کې څلور کسان وژل شوي او شپږ نور ژوبل شوي دي.
دننګرهار دپوليسو وياند حضرت حسيت مشرقيوالي په دغه اړه يو بهرني خبري اژانس ته ويلي دي ځانمرګي پيدل و اؤ هغه سرښار جلال اباد کې ديو قبايلي مشر کور کې ځان الوځولى دى.
دننګرهار دوالي وياند عطاء الله خوګياڼي هم ددغه بريد پخلى کړى او پکې يې دڅلورو ولسي وګړو دوژل کيدو او اوؤ دژوبل کيدو پخلى کړى دى.
ددغه بريد ذمه واري تر دې مهاله چا نه ده قبولې کړې، ننګرهار کې دطالبانو ترڅنګ دتندروه ډلې داعش جنګيالي هم فعاله دي او نزدې مياشتو کې افغان ځواکونو دهغوي په ضد عملياتو کې دطالبانو او داعش دلسګونو جنګيالو دوژلو دعوې کړي دي.
