دزيارت په ورځ دبغداد يو بازار کې موټري بم چاودنه شوې چې پکې لږ ترلږه شپږ کسان وژل شوي دي.
کوم ګاډي کې چې چاودنه شوې هغه دميوې او سبزۍ دميوې دبهرنۍ دروازې سره نزدې دشيعه مسلمانانو سيمه کې اودرول شوى و، پوليسو او روغتيايي چارواکو دنوم نه څرګندولو په شرط ويلي دغه چاودنه کې پينځلس کسان ژوبل شوي هم دي.
په سمدستي توګه ددغه چاودنې مسؤليت چا نه دى منلى خو له دې وړاندې عراقي پلازمينه او دعراق نورو سيمو کې دتندروه ډلې داعش لخوا دغه بمي چاودنې ترسره شوي دي، دداعش جنګيالي اکثره عراقي ځواکونه او دشيعه اکثريت سيمو کې ولسي وګړي په نخښه کوي.
داعش ټول عراق کې ترهه ګريز بريدونه ترسره کوي او ددې ترڅنګ په شمالي عراقي ښار موصل کې داکتوبر دنيمايي څخه دروانو عملياتو په مهال سخت مزاحمت هم ښايي.