لاس رسیدونکی لینک

Breaking News

پېښور کې بل نرښځی په ډزو وژل شوی


"يواځې په خېبرپښتونخوا صوبه کې د کال ۲۰۱۵م نه تر اوسه پورې ۵۴ نرښځيان وژل شوي دي".

د خېبرپښتونخوا سر ښار پېښور کې نن د يکشنبې، اتوار په سهار نامالومو وسله والو نرښځی په ډزو وژلی دی.

د نرښځيانو د حقونو دپاره کارکوونکي تېمور کمال ډيوه رېډيو سره خبرو کې پخلی وکړو،

"سپوږمۍ نومې خواجه سرا (نرښځی) په پېښور سُپرمارکېټ کې اوسېدو هلته ويشتل شوی او د هلته نه اېل ار اېچ هسپتال ته راوړل شو او هلته مړ شو".

د لېډي ريډنګ روغتون (اېل ار اېچ) ویاند ويلي سپوږمۍ شپږ ډزه ويشتل شوی او روغتون کې يې د درمنلې په مهال ژوند د لاسه ورکړی دی.

په سمدستي ډول د پېښې په اړوند نور تفصيل مخې ته نه دی راغلی او د نرښځيانو مشران او د دوي د حقونو دپاره کار کوونکي وايي مالومات رايوځای کوي.

پوليس ويلي د پېښې پلټنې يې پېل کړي دي.

تېمور کمال وايي "يواځې په خېبرپښتونخوا صوبه کې د کال ۲۰۱۵م نه تر اوسه پورې ۵۴ نرښځيان وژل شوي دي".

هغه زیاته کړه دلته نه يواځې نرښځيان وژل کيږي بلکې د نرښځيانو د حقونو دپاره غږ پورته کوونکو ته هم ګواښونه کيږي.

تېره مياشت پېښور کې د هاجره نومې نرښځي په تشدد وژل شوی مړی ترلاسه شوی ؤ.

پاکستان کې د وروستيو ترسره شوؤ سرشمېرنو ترمخه په ملک کې د ۱۰زرو نه سېوا نرښځيان دي او دوي وخت په وخت دغه شکايت کوي چې حکومت ورته د دوي حقونه نه ورکوي.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG