لاس رسیدونکی لینک

Breaking News

مومند ايجنسي: چاؤدنه کې يو سرتېري وژل شوی بل ژوبل


مومند ايجنسي

د قبايلي سيمې مومند ايجنسۍ په صافو تحصيل کې يو ماين چاؤدنه کې د ملېشې يو عسکر وژل شوی او بل ژوبل شوی دی.

د پوليټيکل چارواکو په وېنا دغه پېښه نن د جمعې په ورځ د صافو تحصيل په چمرکنډ علاقه کې رامنځته شوې ده.

چاوراکو ويلي د ملېشې عسکر اوبو راوړ له تلي وو او په لار کې ښخ بم پرې چاؤدل شوی دی.

د پېښې زمه واري په اړوند لا چا څه نه دي ويلي.

پېښه کې ژوبل عسکر د مامدګټ روغتون ته وړل شوی دی.

مومند ايجنسۍ کې د ملېشې په سرتېرو چاؤدنه په داسې حال کې شوې چې نن په پېښور کې هم د زرعي تربيتي ادارې په مرکز ترهګر بريد شوی دی.

د پېښو په بريد کې د زده کوونکو ترڅنګ نهه تنه وژل شوي او ۳۵ نه زيات ژوبل شوي دي.

د پېښور د بريد زمه واري پاکستاني طالبانو منلې ده.

مومند ايجنسۍ کې وخت په وخت په دغه ډول پېښې رامنځته کيږي.

تحصيل صافي وړاندې د وسله والو تندلارو مرکز پاتې شوی خو دغلته په کال ۲۰۱۱م ۱۲م کې پوځي عملیات شوي او د علاقې پاکولو ويل شوي وو.

صافي تحصيل او خواوشا علاقه کې په امنيتي ځواکونو او ځايي امن لښکر په مشرانو وژونکي بريدونه کيږي او په دوي کې د زياتو بريدونو زمه واري د طالبانو جماعت الاحرار ډله مني.

XS
SM
MD
LG