لاس رسیدونکی لینک

Breaking News

دامریکا لخوا په شمالي کوریا دتاریخ تر ټولو ستر بندیزونه


دامریکا صدر ډانلډ ټرمپ ویلي امریکا د شمالي کوریا په ضد دتاریخ تر ټولوستر بندیزونه لګوي اؤ که چرې دې بندیزونو هم کار ونکړو نو بیا به بل پړاؤ ته ورځي چې” هغه به د نړۍ دپاره ډیره د بدبختۍ خبره وي”

د اسټریلیا صدراعظم میلکم ټرنبل سره خبرو کې ښاغلي ډانلډ ټرمپ شمالي کوریا ته د راتلونکي پړاؤ دسختو نتیجو خبرداری خو ورکړی ولې سپینه کړې یې نه ده چې په دغه پړاؤ کې به شمالي کوریا سره څه چلند وشي؟

هغه د اشارو په ژبه یوازې دومره ویلي که دې بندیزونو کار ونکړو نو بیا به بل پړاؤ ته ځو اؤ “دا به دبدبختۍ نه ډکه وي”

د ټرمپ انتظامیې چارواکي وایي امریکا دغه نوي بندیزونه دشمالي کوریا په ۵۶ادارو ،په ۲۷ؤ سمندري اؤ سوداګریزو ادارو ، په ۲۸ سمندري بیړیو اؤ یو شخص لګولي چې دا په ټوله نړۍ کې موجودیت لري .

امریکایي چارواکي ددغو بندیزونو مقصد په شمالي کوریا فشار راوړل ښایي تر څو ددغه هیواد د اټومي پروګرام دپاره دمالي منابعو مخه ونیسي.

تیرکال د نومبر په میاشت کې د جنوبي کوريا پارلمان ته په وېنا کې د امريکا صدر ډونلډ ټرمپ د شمالي کوريا مشر کم جونګ ان ته په مخاطب کولو سره خبرداری ورکړی ؤ چې هغه کومه وسله ترلاسه کوي د دې نه به يې د حکومت نور خوندي کېدو وروستو د لا ډېرو خطرو سره مخ شي.

صدر ټرمپ د نړۍ په قامونو غږ کړی ؤ چې "د شمالي کوریا د ظالم حکومت يواځې کولو، د هر ډول مرستو ورکولو او ملاتړ ترلاسه کولو د مخنيوي په لړ کې دې هڅې وکړي"

تیرکال شمالي کوريا په درېم ستمبر شپږمه جوهري ازماينه کړې وه د کوم په اړه چې ويل کيږي هغه هایډروجن بم ؤ.

هایډروجن د روایتي ایټم بم نه ډیر زیات طاقت ور وي

XS
SM
MD
LG