لاس رسیدونکی لینک

Breaking News

امريکايي استازو افغانستان کې د سولې په خبرو ټینګار کړی


د سويلي اسيا او مرکزي اسيا دپاره د امريکا د بهرنيو چارو د وزارت مرستیالې اېلس وېلز او ناټو کې د امريکا استازې بېلې هېچسن ويلي د افغانستان د مسلې حل لاره مزاکرات دي طالبان بايد د خبرو مېز ته راشي.

د امريکا د بهرنيو چارو د وزارت مرستیالې وېلز ویلي طالبان اوس هم موقع په لاس کې لري چې د خبرو مېز ته راشي،

"طالبانو ته مو ته مو دغه پېغام دی چې د مذاکراتو دروازه لا خلاصه ده، هغه طالبان چې د تشدد نه لاس اخلي او د افغانستان ائين مني" کولی شي چې راشي او د خبرو بهير کې شامل شي.

ښاغلې وېلز ویلي دوي طالبانو سره د سولې دپاره د خبرو څخه انکار نه دی کړی خو طالبان په دغه اړوند کوم مثبت غبرګون نه دی څرګند کړی.

بل لور ته د نېټو په اتحاد کې د امريکا استازې هم افغانستان کې د سولې په خبرو ټینګار کړی دی.

ښاغلې هېچسن د نېټو اتحاد د غړو هېوادونو ترکي، جرمني او اټلي د استازو سره د افغانستان په سفر کې دغه خبره کړې ده چې د امريکا صدر په افغانستان کې د سولې د هڅو ملاتړ کوي، خو د امريکايي دريځ وروستو طالبانو وحشي خونړي بريدونه پېل کړي دي.

هغې ويلي د افغانستان دپاره د اګست په مياشت کې د امريکايي تګلارې دا خبره هم برخه وه چې طالبان د خبرو مېز ته راوستی شي.

ښاغلې ويلي د افغانستان د کړکېچ يواځينۍ حل لاره خبرې دي.

هغې زياته کړې ده چې په نېټو کې د امريکا اتحاديان به افغانستان بيرته جګړو ته ورنکړي.

امريکايي استازې سره په افغانستان کې د امريکايي او نړيوالو ځواکونو مشر جنرال نکلسن هم رسنيو سره خبرې کړي او په افغانستان کې يې د داعش د موجودګۍ خبره کړې خو ويلي يې دي په دغه هېواد کې داعش په دومره شمېره کې نشته څومره يې چې روس يادوي.

هغه ويلي په افغانستان کې د داعش شمېره د دوه زرو نه کمه ده، هغه ويلي د داعش تندلاري د افغانستان په ننګرهار، کونړ او جوزجان کې شتون لري او هلته په جګړو بوخت دي.

XS
SM
MD
LG