امريکايي چارواکو د طالبانو واشنګټن ته د نېغ په نېغه خبرو اترو وړانديز رد کړې او ویلي يې دي طالبان دې زمونږ سره نه بلکې د خبرو صحيح فريق افغان حکومت سره خبرو ته کښېني.
د امريکا د انګرېزۍ ژبې ورځپاڼې وال سټريټ جرنل د پاکستان او افغانستان لپاره د ا مريکا استازې اېلس وېلز له خلی ويلي امريکا د افغان حکوت متبادل نشي کېدی او طالبان خبرې بايد د افغان حکومت سره وکړي.
ورځپاڼه لیکي" امريکا دافغانستان د حکومت او د افغان ولس متبادل هيڅ کله نشي کېداې".
استازې ويلي واشنګټن له نه دي پکار چې د طالبانو سره نېغ په نېغه خبرو اترو کې بوخت شي.
د وال سټريټ جرنل ترمخه اېلس وېلز د افغان صدر اشرف غني د تېرې چار شنبې په ورځ د کابل کانفرنس په مهال طالبانو ته وړاندې کړل شوی پلان ګته ور وبللو او وې ويل چې دا پلان د امن لپاره ټول اهداف په پام کې نيسي.
د امريکايي استازې دا غبرګون په داسې حال مخې ته راغلی چې د نړۍ مهمو هېوادونو د افغان ولسمشر اشرف غني د امن پلان ملاتړ وکړو ولې طالبانو په رسمي ډول دغه پلان ته لا تر اوسه پورې کوم ځواب نه دی ویلی.
د امريکا د بهرنيو چارو وزارت په کابل کې د سولې په اړه شوې غونډې ته په ځواب کې ويلي چې دا د طالبانو ذمه واري جوړيږي چې د افغانستان منتخب حکومت سره د سولې خبرو ته کښېني.
د کابل د کانفرنس نهوړاندې افغان طالبانو په يوه اعلاميه کې وړانديز کړی وو چې د افغانستان د مسلې د سوله ييز حل دپاره دې امريکايي چارواکي د طالبانو د سیاسي دفتر سره مخامخ خبرو ته راشي.
افغان طالبانو دغه وړانديز دسويلي او مرکزي اسيا لپاره د امریکا د بهرنيو چارو د وزارت مرستیالې اېلس وېلز سيمې ته د سفر په محال د امن خبرو څرګندونو په غبرګون کې کړې و.
مېرمن اېلس وېلز ویلي وو" طالبانو ته مو دغه پېغام دی چې د مذاکراتو دروازه لا خلاصه ده، هغه طالبان چې د تشدد نه لاس اخلي او د افغانستان ائين مني" کولی شي چې راشي او د خبرو بهير کې شامل شي.
څيړونکي وايي امريکا ته د نېغ په نېغه خبرو وړانديز د طالبانو يو سفارتي چال خو کېداې شي ولې عملي کېدل يې ګران دي.
