د افغانستان د ټاکنو د خپلواکه کميسيون چارواکو د يکشنبې/ اتوار په ورځ پخلی کړی چې پارليماني او د ولسوالۍ د شوراګانو انتخابات به د اکتوبر په ۲۰م نېټه کيږي.
د ټاکنو د خپلواکه کميسيون مشر ګلاجان په خبري غونډه کې اعلان کړی "چې نن د ټاکنو خپلواکه کميسيون په رسمي ډول افغانانو ته اعلان کوي چې انتخابات به په ۲۰م اکتوبر وي".
افغانستان کې د اوږدې مودې نه د پارليمان او ولسي شوراګانو د ځنډ ښکار انتخاباتو په تړاؤ فشار دی او د امنيتی ننګونو باوجود کمیسيون دغه اعلان کړی دی.
افغانستان د نړيوالو همکارانو لخوا د فشار سره مخ دی چې د طالبانو د مينځه لرې کولو ۱۷ کاله وروستو دې افغان دولت او سياسي ډلې انتخابات يقيني کړي.
راتلونکي کال د صدارتي ټاکنو څخه وړاندې د انتخاباتو د ځنډولو په سر په افغان سياستمدارو هم پوښتنې راولاړې شوې وې.
راپورونه وايي د انتخاباتو په لړ کې د خلکو د ووټونو په رجسټر کولو کې د تذکرو يا پېژندګلو د کارډونو د نشتوالي ستونزه هم موجوده ده.
په وروستيو کې د ټاکنو کميسيون ويلي چې د تذکرو لرونکو نوم ليکنه به وشي او هغو کسانو ته چې تذکرې نه لري او په شرايطو پوره وي چې شمېره يې نزدې لس ملينه ده دوي ته به د نوم ليکنې له پېلېدو وړاندې تذکرې ورکړی شي.
افغانستان کې چې اوس هم د بدامنۍ لړۍ دوام لري، د ټاکنو خپلواک کمیسيون وايي دوي باوري دي چې د ننګونو او ستونزو باوجود به د طالبانو د ولقې لاندې علاقو کې هم دې ځل له زيات ووټونه کيږي.
