لاس رسیدونکی لینک

Breaking News

د امریکا او د جنوبي کوریا ترمنځ ګډ پوځي تمرینونه پیل شول


د امریکا او د جنوبي کوریا ترمنځ ګډ پوځي تمرینونه پیل شول

د امریکا او د جنوبي کوریا ترمنځ د ګډو پوځي تمرینونو دایمي درول به له شمالی کوریا سره د اټومي خبرو په برخه کې یو مهم ګام وي خو اوس دغه ګډ تمرینونه په دې اونۍ کې پیل شویدي.

دغه تمرینونه په جنوبي کوریا کې د المپیک د لوبو د ارامتیا لپاره ځنډول شوي وو او د شمالي کوریا د اټومي پروګرام په اړه د خبرو لپاره یې په بڼه کې هم بدلون راغلی.

په سږنیو ګډو تمرینونو کې به هم لکه د پخوانیو په څېر ۲۳۰۰۰ امریکايي او ۳۰۰۰۰۰ د جنوبي کوریا سرتیري برخه واخلي.

ګد سرتیري به د جګړې د ډګر مانورونه او د کمپیوټر له لیارې د شمالی کوریا نمایشي بریدون ته د غبرګون ښودلو په برخه کې تمرینونه ترسره کړي.

په سږنیو تمرینونو کې د برید کونکو پرځای په دفاعي تمرینونو زیات ټینګار شوی.

د سږ کال په دې دور تمرینونو کې د امریکا د اټومي ظرفیت لرونکې الوتکې او د الوتکو د لېږد بېړۍ هم برخه نه اخلي.

XS
SM
MD
LG