لاس رسیدونکی لینک

Breaking News

امریکايي سفارتي کارمند ته پاکستان د تلو اجازت ورکړی


د امريکې هغه سفارتي کارمند ته پاکستان د تلو اجازه ورکړې چې په اسلام اباد کې يې دوه تنه په ګاډي وهلي ؤ، په دغه پېښه کې يو تن وژل شوی او بل ژوبل شوی ؤ.

د پاکستان ځايي رسنيو د بهرنيو چارو د دفتر لخوا جاري شوي بيان کې ويلي امریکايي اتاشي کرنل جوزف ته د سفارتي استثنی د لارې اجازه ورکړی شوې او هغه تېره شپه د اسلام اباد د نورخان هوايي ډګر څخه امريکا ته روان شوی دی.

پاکستان د کرنل جوزف نوم په تور فهرست يا بلېک لسټ کې هم اچولی ؤ.

اسلام اباد کې ياده پېښه د اپرېل په اوومه نېټه رامنځته شوې او کرنل جوزف د ټرېفک په يو سګنل په موټر سائيکل سواره دوه تنه وهلي وو.

پېښه کې عتيق نومې تن وژل شوی او هغه سره بل راحيل ژوبل شوی ؤ، پوليسو د جوزف ګاډی تاڼې ته بوتللی او هغه يې پرېښودی ؤ ځکه چې هغه سفارتي کارمند ؤ.

راپورونه وايي پاکستان امریکا ته ویلي ؤ چې د سفارتي کارمند ته ترلاسه سفارتي اسانتيا ختمه کړي خو امريکا د دغسې کولو څخه انکار کړی ؤ.

د اسلام اباد سترې محکمې هم ويلي چې د کرنل جوزف نوم دې په هغه فهرست (اېګزټ کنټرول لسټ) کې واچول شي په کوم نوملړ کې شامل کسان چې د ملک نه بهر بيا سفر نه شي کولی.

اسلام اباد کې له دې وړاندې هم دغه ډول بله پېښه رامنځته شوې وه.

XS
SM
MD
LG