لاس رسیدونکی لینک

Breaking News

پاکستان د چين سره د دوه سمندري بېړو اخستو تړون کړی


د پاکستان سمندري ځواک د چين سره د دوه سمندري جنګي بېړو اخستو تړون کړی، او دغه تړون دوه ورځې وړاندې لاسليک شوی دی.

د تړون لاندې به د چايناشپ بلډنګ کمپنۍ A054 دوه بېړۍ د پاکستان سمندري ځواک ته ورکوي او دا به په کال ۲۰۲۱م کې د پاکستان د سمندري ځواک برخه وي.

د پاکستان سمندري ځواک ويلي د دغو بېړو په سمندري ځواک کې ورګډېدو سره به د دوي توان نور سېوا شي او په سيمه کې به د مېري ټايم سيکیورټۍ په عملیاتو کې ښه رول ترسره کولی شي.

سمندري ځواک ويلي چې دا بېړۍ نوې ټېکنالوجي لري او د نوي دور د وسلو په ګډون د لرې ويشتونکو ميزايلو سېنسرې هم پکې لګېدلي دي.

روان کال نړيوالې ادارې اسټاک هوم انټرنیشنل پيس ريسرچ (سپری)په خپل يو رپوټ کې ويلي ؤ چې چين پاکستان ته د وسلو ورکولو تر ټولو غټ ملک دی.

د سپری د رپوټ ترمخه د کال ۲۰۱۳م نه تر کال ۲۰۱۷م په موده کې پاکستان د چين نه د وسلو اخستو تر ټولو غټ هېواد ؤ، او چين خپلې نزدې ۳۵فيصده وسلې پاکستان ته ورکړي دي.

پاکستان او چين په کال ۱۹۹۰م کې په ګډه د جی اېف – ۱۷تهنډر جنګي الوتکو جوړولو پروسه پېل کړې وه چې اوس دغه الوتکې په پاکستان کې جوړېدل هم پېل شوي دي.

XS
SM
MD
LG