هند د ترهګرۍ د مالي مرستو د څار ادارې (فاينانشل اېکشن ټاکس فورس، اېف ای ټي اېف) د دې ګام هر کلی کړی چې پاکستان يې په خړ فهرست کې شامل کړی دی.
د هند د بهرنيو چارو وزارت د خالي، شنبې په ويلي پاکستان د ترهګرۍ د مالي مرستو او په غېر قانونه توګه د پېسو لېږلو د مخنيوي دپاره د اېف ای ټي اېف په معیار پوره ختلو او د نړيوالې ورورولۍ د تحفظاتو لرې کولو باور ورکړی ؤ.
هند ویلي پاکستان دا باور هم ورکړی ؤ چې په نړيوال کچ د ګرځول شوؤ ترهرګرو ډلو او شخصياتو پرضد به ګامونه اخلي.
په هندي بیان کې ادعا شوې چې د باور باجود په پاکستان کې د حافظ سعيد په څېر ترهګر او د جماعت الدعوه، لشکر طيبه او جېش محمد په رنګ ترهګرې ډلې اوس هم فعاله دي، او دا کار د پاکستان د باور ورکولو پرضد دی.
هند هيله څرګنده کړې ده چې پاکستان به د اېف ای ټي اېف په تګلاره عمل وکړي او په خپله خاوره به د ترهګرو په اړوند د نړیوالې ورورولۍ د اعتراضونو لرې کولو دپاره ګامونه واخلي.
پاکستان د هند دغه بيان ته لا غبرګون نه دی ویلی.
پاکستان روانه اوونۍ په پېرس کې د اېف ای ټي اېف غونډې ته خپل پلان وړاندې کړی د کوم لاندې به چې د ترهګرو ډلو د مالي مرستو مخنيوي کوي.
که څه هم اېف ای ټي اېف د پاکستان تګلاره منظوره کړې خو په خړ فهرست کې يې هم شامل کړی دی.
د اېف ای ټي اېف راتلونکې بله غونډه به د ستمبر په میاشت کې کيږي او که پاکستان بيا هم د خپلې تګلارې لاندې کوم موثره اقدامات نه وو کړي نو په تور فهرست کې شاملېدی شي.
د پاکستان په تور فهرست کې شاملېد سره نه يواځې دغه هېواد په معاشي توګه خرابېدی شي بلکې په نړيواله کچه د پاکستان مخ بد ښکاره کېدی شي.
پاکستان د کال ۲۰۱۲م نه تر ۲۰۱۵م پورې هم د ترهګرو د مالي سرچینو د نه تړلو په تور د څار په نړیوال خړ فهرست کې شامل شوی ؤ.
اېف ای ټي اېف د ۳۷ غړو هېوادونو سازمان دی کوم چې په غېر قانوني توګه د پېسو لېږلو او ترهګرۍ سره اړونده مالي مرستو د مخنيوي او نړيوال مالياتي نظام ته په دې لړ کې د ورپېښو خطرو څخه بچ کولو دپاره په ۱۹۸۹ کې جوړه کړی شوی ؤ.
