لاس رسیدونکی لینک

تازه خبر

اشرف غني:سوله به په رڼا ورځ اؤ دټولو مخکې کیږي


دافغانستان ولسمشر ښاغلي اشرف غني ویلي چې افغان دولت هیواد کې د سولې ټینګښت غواړي خو که سوله کیږي نو په رڼا ورځ به د ټولو مخکې کیږي .

ولسمشر تیره ورځ‌ په ارګ کې د مدني ټولنې یو شمیر فعالانو سره په لیدنه کې ویلي “سوله قیمت لري او باید معلومه کړو چې په کوم قیمت سوله غواړو، زه د دغه قیمت د پرې کولو صلاحیت نه لرم، د یوې ناپایدارې سولې لپاره باید ولس داسې بیه پرې نه کړي چې سبا موږ او تاسې ټول پښیمانه اوسو، د سولې هر تړون ولسي ملاتړ غواړي او په رڼا ورځ به د ټولو په مخکې کېږي”

ښاغلي غني وویل، اوس د ملي پروسو لکه ټاکنو، اصلاحاتو اوسولې مالکیت له افغانانو سره دی او د اصلاحاتو پروسه هدفمنده او مشورتي شوې ده او په ارګ کې عالي شوراګانې یې ښې بېلګې دي او تصامیم په پټه نه نیول کېږي او په ټولو دغو شوراګانو کې د مدني ټولنې غړي فعاله برخه لري.

اشرف غني خپلو خبرو کې زیاته کړه چې وضعیت بدل شوی دی، څلور کاله پخوا د ناامیدۍ دوره وه، خو اوس د امید او ناامیدۍ ترمنځ یو تعادل کې قرارلرو، اوس افغانستان په منطقوي او بین المللي کچه په انزوا کې نه دی.

د ولسمشر ماڼۍ پخپل یو بیان کې ویلي په دغه لیدنه کې د مدني ټولنې فعالینو ه بېلابېلو برخو کې د حکومت د کړنو څخه ملاتړ څرګند کړو او د ولسواکۍ پر پیاوړي کولو، په ټاکنو کې د زورواکو او دولتي اشخاصو د مداخلو د مخنیوي، د سولې او احتمالي اوربند په سم مدیریت او په پوځي او ملکي ادارو کې پر اصلاحاتو ټنیګار وکړو.

په دغه ناسته کې د نورو په استازیتوب زهرا موسوي، زمان ګل دهاتي او فاضله سروش په خپلو خبرو کې د شفافو او عادلانه ټاکنو د ترسره کېدو، په ملکي او پوځي بنسټونو کې د اصلاحاتو او د سولې او اوربند په اړه خپل مشخص وړاندیزونه او اندېښنې شریکې کړې.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG