لاس رسیدونکی لینک

Breaking News

ايشيا کپ: افغانستان او پاکستان نن يو بل ته مخامخ کيږي


د ايشيا کرکټ کپ د روانو سیاليو په سوپر فور لوبو کې د پاکستان او افغانستان لوبډلې نن يو بل ته مخامخ کیږي، افغانستان تراوسه پورې کړې خپلې دواړه لوبې ګټلي او پاکستان یواځې يوه ګټلې ده.

افغانستان په بي ګروپ کې سري لنکا او بنګله دېش ته ماتې ورکړې او پاکستان په ای ګروپ کې هانګ کانګ ته ماتې ورکړې او د هند څخه يې سیالي بايللې وه.

افغانستان چې تېره شپه په ۱۳۶ رنزونو د بنګله دېش لوبډلې ته ماتې ورکړې د کرکټ پوهان وايي د پاکستان دپاره به د افغانستان پرضد لوبه کول ډېر اسان نه وي.

پاکستان کې د کرکټ کار پوهه مرزا اقبال بېګ په ټويټر ليکلي،

"پاکستان له به د افغانستان پرضد د سوپر فور په سيالۍ کې ډېر په احتياط لوبه کول وي، افغان لوبډلې د سري لنکا او بنګله دېش پرضد د ستاینې وړ لوبه کړې او ليګ سپېنر به د لوبې غوره لوبغاړی وي".

د اسټريليا پخواني کرکټر ډين جونز څوک چې په پاکستان سوپرليګ کې د اسلام اباد يونائټډ کوچ ؤ د افغانستان او پاکستان ترمنځ ننۍ سيالۍ په اړه یې ويلي،

"دا د پاکستان دپاره د ويرې لوبه ده. افغانستان پوهه دی چې په دې لوبغالي څنګه ښه لوبه کېدی شي، پاکستان له پکار ده چې نواز ولوبوي".

د افغانستان او پاکستان ترمنځ نن د جمعې په ورځ لوبه د کابل په وخت په څلور بجې د ابوظهبي په شېخ زېد لوبغالي کې ټاکل شوې ده.

افغان لوبډله به د سوپر ليګ په پړاؤ کې په ۲۳م ستمبر بيا د بنګله دېش او په ۲۵م ستمبر هند ته مخامخ کيږي.

پاکستان به په ۲۳م ستمبر هند او په ۲۶ ستمبر بيا بنګله دې سره مخامخ کيږي.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG