لاس رسیدونکی لینک

Breaking News

حسينه واجد بيا د بنګله دېش انتخابات ګټلي دي


د بنګله دېش انتخابات د موجوده وزيراعظمې شېخ حسينه واجد په مشرۍ اتحاد ګټلي او هغې ته په درېم ځل د حکومت جوړولو لار هواره شوې خو مخالفه ګوندونو د انتخاباتو نتيجې رد کړي دي.

د حسينه واجد ګوند عوامي ليګ په مشرۍ اتحادي ډلې په ۳۰۰ چوکيو کې ۲۸۸ ګټلي دي.

د الېکشن کمېشن ترمخه د مخالفه ګوندونو د مشر کمال حسېني اتحاد يواځې شپږ چوکۍ ګټلي دي.

حسېني د اتوارد ورځې الېکشن ته ټوقه ويلې او د نتيجو رد کولو يې ویلي ؤ، هغه د بې طرفه چارواکو په مشرۍ بيا د انتخاباتو کولو غږ کړی ؤ.

د انتخاباتو په مهال د امنيت دپاره د شپږ لاکه امنيتي سرتېرو په ځای کولو باجود د حکومتي او مخالفه ګوندونو د پلويانو ترمنځ د تشدد پېښې رامنځته شوي دي.

د مخالفه ګوندونو ترمنځ د تشدد په پېښو کې ۱۳ تنه وژل شوي، د پوليس په ډزو درې تنه لګېدلي او يو پوليس هم په ډزو وژل شوی دی.

حسېني د پخوانۍ وزیراعظمې خالده ضيا چې د مخالفه ګوند بنګله دېش نيشنل پارټۍ مشره او د غبن په تور په بند کې د هغې سيال ؤ.

د خالده ضيا په غېر موجودګۍ کې مخالفه ګوندونو د ۸۲ کلن حسېني په مشرۍ اتحاد جوړ کړی ؤ.

XS
SM
MD
LG