لاس رسیدونکی لینک

Breaking News

د پاکستان احتساب اداره وایي د حکومت له خوا ورباندې هیڅ فشار نه شته


اسلام اباد ـــ په پاکستان کښې د احتساب ادارې يا نېب مشر جسټس ريټايرډ جاويد اقبال ويلي دي د دوی په اداره هيڅ قسمه فشار نشته او دا د وزيراعظم پر ضد هم تحقيقات کولای شي.

چېرمېن د حکومتي وزيرانو هغه بيان هم رد کړی دی چې گنې د وزيراعظم پر ضد د نېب د کاروایو له وجې د وزيراعظم بې توقيري شوې ده.

په لاهور ښار کښې ميډيا سره خبرو په وخت د نېب مشر ويلي دي، وزيراعظم ته د نېب له خوا هيڅ معفيت نشته او د دوی پر ضد هم تحقيقات کېدای شي او د دغو تحقيقاتو مطلب د وزيراعظم عمران خان بې توقيري نه بلکه هغه ته عزت ورکول دي ځکه چې وزيراعظم عمران خان خپله وايي د بډو رشوتونو ختمول د دوی د حکومت وړمبی کار دی.

جسټس جاويد اقبال وايي د نېب له خوا د وزيراعظم پر ضد تحقيقات د وزيراعظم بې توقيري نه ده که چرې د مخالفو ډلو مشر احتساب ادارې ته وړاندې کېدای شي نو وزيراعظم ولې نه.

د چېرمېن وينا وه د دوی په ادارې د حکومت له خوا څه فشار نشته او که چرې وي هم نو و به یې نه مني.

د نېب چيرمين دا بيان په داسې حال کې ورکړی دی چې څو ورځې وړاندې د اطلاعاتو مرکزي وزير فواد چودهري د نېب له خوا د وزيراعظم پر ضد د سرکاري هيلي کاپټر د استعمال په قضيه سخت تنقيد کړی وو او وزيراعظم نه تحقيقات يې د دوی سپکاوی ګڼلی وو.

په نېب ادارې اکثر مخالف سياسي گوندونه دا تورونه لگوي چې د دوی پر ضد دا اداره انتقامي کاروایۍ کوي، خو د حکومتي وزيرانو پر ضد يې نرمه رويه خپله کړې ده.

XS
SM
MD
LG