لاس رسیدونکی لینک

Breaking News

کترینه کیف:نړۍ ملالې یوسفزئ اؤ دهغې په څېر نورو جینکو ته اړتیا لري


کترینه کیف چې دا مهال پخپل ښائست اؤ فلمونو کې په غوره اداکارۍ  په ګرده نړۍ کې خپل په اربونو مینه وال لري، خو دغه مشهوره ۳۵کلنه پیغله بیا پخپله د پښتونخوا دسوات سیمې سره دتعلق لرونکې ملالې یوسفزۍ مینه واله ده .

دهندي فلمونو وتلې ستورې کترینه کیف وایي نړۍ ملالې یوسفزۍ اؤ دهغې په څیر نورو جینکو ته اړتیا لري اؤ هغه هیله لري چې یوه ورځ به ملاله پخپل طاقت نړۍ بدلوي.

کترینه کیف چې دا مهال پخپل ښائست اؤ فلمونو کې په غوره اداکارۍ په ګرده نړۍ کې خپل په اربونو مینه وال لري، خو دغه مشهوره ۳۵کلنه پیغله بیا پخپله د پښتونخوا دسوات سیمې سره دتعلق لرونکې ملالې یوسفزۍ مینه واله ده .

دامن نوبیل نړیواله جائزه ګټونکې ملاله یوسفزۍ په کال ۲۰۱۲م کې یوازې د۱۱کلنۍ په عمر طالبانو په سر په ګولۍ ویشتلې وه چې ولې هغه دجینکو دتعلیم دپاره غږ پورته کوي اؤ له هغې راپدیخوا اوس ملاله په برتانیه کې میشته ده اؤ دبشري حقونو په ځانګړي ډول دجینکو د زده کړو دپاره مبارزه کوي.

ملاله یوسفزئ په دې وروستیو کې دخپل ځان اؤ دنړۍ دبې کوره شوؤ جینکو د ژوند په اړوند د “وي ار ډسپلیسډ”(مونږ بې کوره یو) په نوم یو کتاب لیکلی چې کترینه کیف یې هم په لوستلو بوخته ده .

کترینه د ټولنیزې رسنۍ انسټا کرام له خپلې پاڼې څخه دملاله یوسفزئ ددې کتاب سرپاڼه خپلو مینه والو سره شریکه کړې ده اؤ ملالې یوسفزئ سره یې خپل عقیدت اؤ مینه ښودلې ده.

په کتاب خپل نظر کترینه کیف په دې ټکو ورکړی “په دې کتاب کې د ملاله اؤ نورو مهمو جینکو کیسې یو شان اغېزمنې دي.داکتاب به د هاغو ټولو جینکو په خوبونو پوره کولو کې دهغوئ دمرستې اؤ ډادګیرنې سوب وګرځي چې په ځان باور لري”

کترینه په انسټا ګرام زیاتوي” ملالې ! زه دعا کووم چې یوه ورځ به ته پخپل طاقت نړۍ ته تغیر ورکړې، دا نړۍ تا اؤ ستا په څیر نورو جینکو ته اړتیا لري”

تر دې دمخه دتیرکال په اکتوبر کې لویې هندي فلمي ستوري شاه رخ خان هم په ټوئټر لیکلي وؤ چې ملالې یوسفزئ سره لیدنه به دهغه دپاره د ویاړ خبره وي

XS
SM
MD
LG