لاس رسیدونکی لینک

Breaking News

راشدخان د ايي سي سي د کال ۲۰۱۸م د يو ورځنيو لوبو په غوره لوبډله کې راغلی


د افغانستان ستوري ليګ سپېنر بالر راشد خان په کال ۲۰۱۸م کې غوره لوبه کړې او په خپله غوره لوبه يې د کرکټ د نړیوالې شورا (ايي سي سي) د کال په لوبډله کې ځای جوړ کړی دی.

نوموړي په کال ۲۰۱۸م کې د یو ورځنیو لوبو مخکښ ویکټ اخیستونکی ؤ چې په ترڅ کې یې د ۱۴،۴۵ په اوسط ۴۸ ویکټې اخیستي دي.

د ايي سي سي ترمخه راشد خان د ۲۰۱۹ کال د یو ورځنیو لوبو نړیوال جام ته د افغانستان د لارموندنې پر مهال هم غوره رول لوبولی و او ډېرې مهمې ویکټې یې اخیستې وې.

د کرکټ نړیوالې شورا د يو ورځنۍ لوبډلې په اعلان شوې لوبډله کې څلور، څلور لوبغاړي د انګلېنډ او هند دي.

او پاتې درې نور لوبغاړي د افغانستان، بنګله دېش او نیوزيلېنډ څخه ټاکل شوي دي.

د پاکستان يو لوبغاړی هم په لوبډله کې نه دی اخيستل شوی.

راشد خان دا وخت د ايي سي سي د يو ورځنيو لوبو په نړيواله درجه بندۍ کې په اول نمبر ال راؤنډر او په دوېم نمبر غوره بالر دی.

خان د شل اووريزو لوبو په درجه بندۍ کې په اول نمبر غوره بالر دی.

XS
SM
MD
LG