پېښور —
دناټو دغوڅ ملاتړ ماموریت پخپل یو بیان کې ویلي دغه امریکایي سرتیری د سه شنبې په ورځ دیوې جګړې په مهال وژل شوی خو دپېښې نور جزئیات یې نه دي په ډاګه کړي.
د روان کال په مهال دا دوهم امریکایي سرتیری دی چې په افغانستان کې دجګړو په مهال وژل کیږي.
تر دې پېښې څو ورځې وړاندې دافغانستان بادغیس ولایت کې هم دامریکا یو پوځي طالبانو سره لمړی په جګړه کې ژوبل شوی اؤ وروسته په روغتون کې مړ شوی ؤ.
تیرکال هم دافغانستان بیلابیلو ولایتونو کې ترهګرو ډلو سره نښتو کې شپږ امریکایي سرتیري وژل شوي وؤ.
دافغانستان په کومو سیمو کې چې افغان ځواکونه د طالبانو یا نورو تندروه ډلو په ضد کله په پراخه کچه عملیات کوي نو هغوئ ته د ناټو ځواکونو هوايي اؤ زمکنۍ مرسته هم ترلاسه وي خو د تیرو څو کلونو راهسې په دغو جګړو کې بهرنیو ځواکونو ته د اوښتل کیدونکو زیانونو کچه خورا راټیټه شوې ده.
