لاس رسیدونکی لینک

Breaking News

پاکستان خپل فضايي حدود بند کړي


د پاکستان فضايي ادارې (سېول اېوي اېشن) ويلي، پاکستان په رسمي ډول خپل فضايي حدود بندوي او د بل امر پورې به دا بند وي.

د پاکستان نړيوال هوايي شرکت (پي اي ای) هم ويلي، د احتیاطي ګامونو اخيستو په ترڅ کې چې فضايي حدود بند کړی شوي د پي ايي ای پروازونه اغېزمن کېدی شي او د نورو مالوماتو دپاره دې د پي ايي ای د دفتر سره تماس ونيول شي.

د پاکستان فضايي حدود په داسې حال کې بند کړی شوي چې پاکستان نن د شورو، چهارشنبې په سهار د هند د دوه جنګي الوتکو رانسکورولو ادعا کړې ده.

خو هند ادعا کړې چې د پاکستان يوه الوتکه يې نسکوره کړې او خپله يوه الوتکه يې د لاسه ورکړې ده.

د نړيوالو پروازونو څارونکې فلايټ ريډار هم ويلي د هند او پاکستان په فضايي حدودو کې پروازونه اغېزمن شوي دي.

د پاکستان ځايي ميډيا ویلي سبا د زيارت، پنجشنبې د شپې ۱۲ بجو پورې به فضايي حدود بند وي خو چارواکو په رسمي ډول په دغه اړوند څه نه دي ويلي.

XS
SM
MD
LG