د پاکستان او هند د تازه شخړې وروسته د پاکستان سپرليګ (پي اېس اېل) څلورم په لاهور کې ټاکل شوې د کرکټ سيالۍ کراچۍ ته منتقل کړی شوي دي.
په لاهور کې د پي اېس اېل درې او کراچۍ کې پينځه سیالۍ ټاکل شوې وې خو دا ټولې سيالۍ به اوس په کراچۍ کې کیږي.
د پاکستان کرکټ بورډ (پي سي بي) ويلي ؤ په لاهور کې سوداګريز پروازونه وروسته شوي ځکه د لاهور نه سيالۍ کراچۍ ته منتقل کړی شوي دي.
د پي سي بي مشر احسان ماني ويلي د پي اېس اېل د ټولو لوبډلو د مالکانو سره يې خبره شوې او د دوي هدف دا سيالۍ په پاکستان کې کول دي.
د پي سي بي د نوؤ ټاکل شوؤ نېټو ترمخه د کراچۍ په نيشنل سټيډيم مېدان کې به لومړۍ سيالۍ په نهم مارچ د لاهور او اسلام اباد لوبډلو، په لسم مارچ د کراچۍ او کوټې، په ۱۱م د لاهور او ملتان او کراچۍ او پېښور لوبډلو ترمنځ کيږي.
په ۱۳م، ۱۴م او ۱۵م وروستۍ سيالۍ ټاکل شوي او په ۱۷م مارچ به فاينل وي.
