لاس رسیدونکی لینک

تازه خبر

هند: که عمران خان د ترهګرۍ پر ضد مخلص دی مسعود اظهر دې هند ته وسپاري


واشنګټن ـــــ د هند د بهرنیو چارو وزیرې سوشما سوراج د چین هغه ګام ته سخت غبرګون ښوولی چې په پاکستان کې د جیش محمد ډلې د مشر مولانا مسعود اظهر نوم د ملګرو ملتونو د بندیزونو په نوملړ کې د شاملېدو مخه ونیوله.

مېرمن سوراج د هندي ټیليویژن چینل له لارې وویل: "مونږ به له پاکستان سره هغه وخت خبرو ته کښېنو چې پاکستان پر خپله خاوره د ترهګرو پر ضد ګامونه واخلي. خبرې او تزهګرۍ دواړه سره یو ځای نه کېږي".

جیش محمد ډلې تېره میاشت د هند تر ولکې لاندې د کشمیر په پلواما سیمه کې د هغه ځانمرګي برید ذمه واري ومنله، چې لږ تر لږه 40 هندي پولیس پکې ووژل شول.

مېرمن سوراج زیاته کړې: "ځینې خلک وايي د پاکستان وزیراعظم عمران خان ډېر سوله خوښوونکی دی. که دا خبره حقیقت ولري نو عمران خان دې مسعود اظهر هند ته ور وسپاري ".

خو د پاکستان حکومت له هنده د جیش محمد ډلې په وړاندې د ثبوتونو غوښتنه کړې او ویلي یې دي، هغه وخت به د دې ډلې پر ضد ګامونه پورته کړي چې هند ورته پاخه ثبوتونه وړاندې کړي.

د مسعود اظهر ترهګر پېژندلو د مخنیوي په ضد هندي تاجرانو هم د چینایي مصنوعاتو د بایکات غږ کړی، خو چین تر اوسه د خپلو مصنوعاتو د بایکاټ په اړه د هندي تاجرانو د اتحادیې او هندي ګوند پرېکړې ته څه ځواب نه دی ویلی.

د ترهگرو د مالي سرچینو د مخنیوي لپاره کارکوونکي تنظیم فاینانشل اېکشن ټاسک فورس هم پر پاکستان فشار زیات کړی چې د وسلوالو د مالي سرچینې شنډولو لپاره دې غوڅ گامونه پورته کړي. که چېرې پاکستان د ادارې غوښتنه ونه مني نو په تور فهرست کې به شامل کړی شي.

په وروستیو کې پر اسلام اباد د نړۍ د ځواکمنو هېوادونو له خوا دا فشار لا زیات شوی چې پر خپله خاوره د ترهګرو ډلو پر ضد جدي ګامونه واخلي.

جیش محمد ډله په 2001م کال کې د ملګرو ملتونو له خوا د بندیزونو په تور لیسټ کې شامله شوه.

  • 16x9 Image

    منزه شهید

    منزه شهید جرمني کښې خپل ماسټري په سیاسې علومو کښې تر لاسه کړې او د کال ۲۰۱۵ راهسې د امریکا غږ ډیوه څانګې سره همکاره ده. منزه په ملټي ميډیا، راډیو او ټلویزیون کښې د شپږو کلونو اوږده تجربه لري. هغه د خبریالۍ ترڅنګ په سیاسي او ټولنیزو موضوعاتو لیکنې کوي.

    په ټوېټرې د منزه شهید سره رابطه کولی شئ:

    @MunazaShaheed

ځانګړې ویډیوګانې


د امریکايي خبریال د روس په زندان کې کال پوره کېدونکی دی
please wait

No media source currently available

0:00 0:04:17 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG