لاس رسیدونکی لینک

تازه خبر

پېښور زلمي د اسلام اباد يونايټډ ته په ماتې ورکولو فاينل ته ورسېده، کوټه ګلېډي اېټرز سره به يې فاينل وي


د پاکستان سپرليګ (پي اېس اېل) څلورم پايلوبې ته د رسېدو دپاره د پېښور زلمي او اسلام اباد يونايټډ ترمنځ سیالي د پېښور لوبډلې وګټله او په فاينل کې به د کوټه ګلېډي اېټر لوبډلې سره مخامخ کيږي.

د پېښور زلمي لوبډلې اول بيټګ کړی او په ټاکلو ۲۰ اوورونو کې يې په پينځه لوبغاړو سوځېدو ۲۱۴ رنزونه جوړ کړي وو.

د اسلام اباد لوبډلې په ځواب کې په نهه لوبغاړو سوځېدو ۱۶۶ رنزونه جوړ کړه او د پېښور لوبډلې دا سيالي په ۴۸ رنزونو وګټله.

د پېښور لوبډلې کامران اکمل ۷۴ او امام الحق ۵۸ رنزونه جوړ کړي وو.

د اسلام اباد په لوبغاړو کې يواځې والټن زیات ۴۸ رنزونه او فهیم اشرف ۳۱ رنزونه جوړ کړل.

د پېښور د لوبډلې په بالرانو کې حسن علي او جورډن درې درې لوبغاړي اؤټ کړل.

پېښور زلمي د کال ۲۰۱۷ د پي اېس اېل اتلولي ګټلې وه، د کوټې لوبډله دوه ځله د پي اېس اېل پايلوبې ته رسېدلې خو دواړه ځله يې ماتې خوړلې ده.

د پي اېس اېل څلورم پايلوبه په ۱۷م مارچ د اتوار/ یکشنبې په ورځ هم د کراچۍ په نېشنل لوبغالي کې ټاکل شوې ده.

ځانګړې ویډیوګانې

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG