د سري لنکا يو چارواکي ويلي چې يوه اوونۍ وړاندې په سري لنکا کې د ترسره شوؤ بريدونو مرکزي پلانوونکي زهران هاشم يوه موده په هند کې پاتې شوی دی.
ويل شوي زهران هاشم تر ډېرې مودې په جنوبي هند کې پاتې شوی او هغه د نيشل توحيد نومې تنظيم مشر ؤ، د سري لنکا چارواکي وايي په بريدونو کې هغه ککړ ؤ.
په سري لنکا کې د بريدونو دوه ورځې وروسته داعش د دې زمه واري منلې او د اته مشکوک کسانو عکسونه یې خپاره کړي وو، ويل کيږي په دغو عکسونو کې موجود تن زهران هاشم دی.
د هند حکومت د زهران هاشم په اړوند بیان ته تراوسه پورې کوم غبرګون نه دی ويلی.
خو هندي چارواکو له دې وړاندې دغه ډول بيانونه ورکړي چې په هند کې د مسلمانانو د داعش سره هيڅ اړیکې نشته.
خو ويل کيږي په جنوبي هند کې ځينې مسلمانان د داعش سره د اړيکو په تور نيول شوي دي.
د تېر اتوار په ورځ په سري لنکا کې په چرچونو او هوټلونو باندې په ځانمرګو بريدونو او چاؤدنو کې د ۲۵۰ نه زيات کسان وژل شوي وو، له دې وړاندې چارواکو د ۳۵۰ کسانو د وژنو ويلي وو.
د سري لنکا چارواکو ويلي د بريدونو مرکزي پلان کوونکی زهران هاشم په بريدونو کې وژل شوی دی.
